Home /News /videsh /

अलकायदाचा म्होरक्या जवाहिरीला मारण्यासाठी अमेरिकेचा मास्टरप्लान; पाकचा असा केला वापर

अलकायदाचा म्होरक्या जवाहिरीला मारण्यासाठी अमेरिकेचा मास्टरप्लान; पाकचा असा केला वापर

Al Qaeda Ayman al Zawahiri: अफगाणिस्तानातील काबूल येथील एका घरावर अमेरिकेने केलेल्या ड्रोन हल्ल्यात अल जवाहिरीचा मृत्यू झाला. अमेरिकेचे अध्यक्ष ज्यो बिडेन यांनी याची अधिकृत घोषणा केली.

    नवी दिल्ली, 2 ऑगस्ट : अल-कायदाचा म्होरक्या अयमान अल-जवाहिरीला ठार मारण्यासाठी अमेरिकेने अफगाणिस्तानचा मित्र मानल्या जाणाऱ्या पाकिस्तानच्या हवाई हद्दीचा वापर केला. एका उच्च गुप्तचर सूत्राने न्यूज18 ला ही खास माहिती दिली. अल-जवाहिरीने 9/11 च्या हल्ल्यात महत्त्वाची भूमिका बजावली होती. त्यानंतर त्याने भारतीय उपखंडातील अफगाणिस्तानची राजधानी काबुलजवळ त्याच्या गटाशी संबंधित एक संघटना स्थापन केली होती. सुत्राने सांगितले, की यूएस ड्रोनने मित्र असलेल्या मध्य-पूर्वेकडील देश, शक्यतो संयुक्त अरब अमिराती (यूएई) वरून उड्डाण केले होते. त्यानंतर पाकिस्तानच्या हवाई क्षेत्राचा वापर करून अफगाण सीमेमध्ये प्रवेश केला. जवाहिरी काबूलमधील त्याच्या सुरक्षित घराच्या बाल्कनीत उभा असताना अमेरिकेच्या ड्रोनने दोन क्षेपणास्त्रे डागली. जवाहिरीच्या कुटुंबातील इतर सदस्यही तेथे उपस्थित होते. परंतु, मिशनमध्ये फक्त दहशतवादी मास्टरमाइंड मारला गेला. अमेरिकेने यापूर्वीच पाकिस्तानला एअरस्पेस आणि ड्रोनच्या पासिंगसाठी परवानगी देण्याची नोटीस दिली होती. मात्र, अमेरिकेचे लक्ष्य कोण होते हे पाकिस्तानला माहीत नसावे, असे सूत्राने सांगितले. अनेक दिवसांपासून अल-जवाहिरीचा शोध सुरू होता. सप्टेंबरमध्ये झालेल्या दहशतवादी हल्ल्यानंतर तत्कालीन राष्ट्राध्यक्ष जॉर्ज बुश यांनी एफबीआयला 22 वाँटेड दहशतवाद्यांची यादी जाहीर केली होती, ज्यामध्ये अल-कायदाचा माजी नेता ओसामा बिन लादेनसह जवाहिरीचे नाव होते. जवाहिरी 2022 च्या सुरुवातीला अफगाणिस्तानात असल्याचे उघड अल-जवाहिरी काबूलमधील एका घराच्या बाल्कनीत असताना सीआयए संचालित ड्रोनमधून दोन हेलफायर क्षेपणास्त्रांनी मारला गेला. येथे तो आपल्या कुटुंबासह राहत होता. पत्रकारांना माहिती देणार्‍या अमेरिकन अधिकार्‍यांनी दिलेल्या माहितीनुसार, या हल्ल्यात कुटुंबातील कोणतेही सदस्य किंवा इतर नागरिक जखमी किंवा ठार झाले नाहीत. अमेरिकेचे अध्यक्ष ज्यो बायडेन यांनी राष्ट्राला आणि कदाचित जगाला संबोधित करताना सांगितले की अमेरिकन गुप्तचर संस्थांनी वर्षाच्या सुरुवातीला अफगाणिस्तानमधील अल-कायदा नेत्याचा माग काढला आणि एक आठवडा आधी 25 जुलै रोजी अल-जवाहिरीला मारण्यासाठी ऑपरेशन सुरू केले.

    आता तुरुंगातील महिलाही करू शकणार डेटिंग; कैद्यांसाठी खास वेबसाईट, या असणार अटी

    या हल्ल्यांमध्ये अल-जवाहिरीची महत्त्वाची भूमिका अल-जवाहिरीने ओसामा बिन लादेनसह 2001 मध्ये अमेरिकेवर 11 सप्टेंबर रोजी झालेल्या हल्ल्यात महत्त्वाची भूमिका बजावली होती. या हल्ल्यात सुमारे 3000 लोक मारले गेले. बिन लादेनला अमेरिकेने 2011 मध्ये पाकिस्तानातील अबोटाबाद येथे ठार केले होते. इजिप्तमध्ये जन्मलेल्या अल-जवाहिरीने डॉक्टर होण्याचे प्रशिक्षण घेतले. त्याच्याबद्दल माहिती देण्यासाठी अमेरिकेने 25 मिलियन अमेरिकन डॉलर्सचे बक्षीसही ठेवले होते. 1998 मध्ये टांझानिया आणि केनियामधील यूएस दूतावासावर झालेल्या बॉम्बस्फोट तसेच येमेनमधील यूएसएस कोलवर 2000 मध्ये झालेल्या हल्ल्याप्रकरणी तो हवा होता. दूतावासात झालेल्या बॉम्बस्फोटात 12 अमेरिकन लोकांसह 224 लोक मारले गेले आणि 4,500 हून अधिक जखमी झाले. यूएसएस कोलवरील हल्ल्यात 17 अमेरिकन खलाशी मारले गेले होते.
    Published by:Rahul Punde
    First published:

    Tags: America, Osama bin laden

    पुढील बातम्या