)
अदन 20 एप्रिल : रमजानमध्ये जकात घेण्यासाठी झालेल्या गर्दीमध्ये मोठी दुर्घटना घडली आहे. यात चेंगराचेंगरीत जवळपास 85 जणांचा मृत्यू झाला आहे. तर, 300 हून अधिक जण जखमी झाले आहेत. यातील 13 जणांची स्थिती अतिशय गंभीर असल्याचं सांगण्यात येत आहे. जकात म्हणून इथे प्रत्येक व्यक्तीला 1500 रुपये मिळणार होते, हेच घेण्यासाठी लोकांनी मोठी गर्दी केली होती.
यमनची राजधानी सना येथे ही घटना घडली आहे. अधिकृत माध्यमांनी गुरुवारी ही माहिती दिली. यमनमधील इराण-समर्थित हूती चळवळीद्वारे चालवल्या जाणार्‍या मुख्य टेलिव्हिजन न्यूज आउटलेट अल मसिराह टीव्हीने सना येथील आरोग्य संचालकांचा हवाला देऊन सांगितलं की मृतांव्यतिरिक्त अनेक लोक जखमी झाले आहेत. त्यापैकी 13 जणांची प्रकृती गंभीर आहे. हूती-नियंत्रित अंतर्गत मंत्रालयाच्या प्रवक्त्याने एका निवेदनात म्हटलं आहे, की मुस्लीम पवित्र रमजान महिन्याच्या शेवटच्या दिवसांत व्यापाऱ्यांकडून जकात वाटप केली जात होती. याचवेळी चेंगराचेंगरी झाली. प्रवक्त्याने या घटनेचं वर्णन ‘दुःखद’ असं केलं.
مشاهد أولية لحادثة التدافع الأليمة التي حدثت أمام مركز توزيع مساعدات تابع لأحد التجار بأمانة العاصمة #صنعاء pic.twitter.com/j9HaZOLEgE
— ابوعماد السوادي (@Moh_alswadi2) April 20, 2023
काय असते जकात? जकात हे एक प्रकारचं दान आहे. प्रत्येक सक्षम मुस्लिमाने त्याच्या एकूण जमा संपत्तीपैकी 2.5 टक्के रक्कम दरवर्षी गरिबांना जकात म्हणून वितरित करणं बंधनकारक आहे. वृत्तसंस्था रॉयटर्सने बचाव कार्यात सहभागी असलेल्या दोन प्रत्यक्षदर्शींच्या हवाल्याने सांगितलं की, या जकातसाठी एका शाळेत शेकडो लोक जमले होते. येथे प्रत्येक व्यक्तीला 5,000 यमनी रियाल किंवा भारतीय चलनात सुमारे 1500 रुपये मिळणार होते. जकात कार्यक्रम आयोजित करण्यासाठी जबाबदार असलेल्या दोन व्यावसायिकांना ताब्यात घेण्यात आलं असून या प्रकरणाची चौकशी सुरू असल्याचंही आंतरिक मंत्रालयाने एका वेगळ्या निवेदनात म्हटलं आहे.
+6
फोटो
