मराठी बातम्या /बातम्या /टेक्नोलाॅजी /

Google Calendar: तुम्हीही मीटिंगची वेळ अन् तारीख विसरता? मग गूगल कॅलेंडरची घ्या मदत

Google Calendar: तुम्हीही मीटिंगची वेळ अन् तारीख विसरता? मग गूगल कॅलेंडरची घ्या मदत

Google Calendar: तुम्हीही मीटिंगची वेळ अन् तारीख विसरता? मग गूगल कॅलेंडरची घ्या मदत

Google Calendar: तुम्हीही मीटिंगची वेळ अन् तारीख विसरता? मग गूगल कॅलेंडरची घ्या मदत

Google Calendar च्या मदतीनं मीटिंग शेड्यूल करण्यासाठी तुम्हाला जास्त काळजी करण्याची गरज नाही. तुम्ही तुमच्या स्मार्टफोनवर अशा प्रकारे मीटिंग शेड्यूल करू शकता.

  • News18 Lokmat
  • Last Updated :
  • Mumbai, India
  • Published by:  Suraj Sakunde

मुंबई, 6 सप्टेंबर: स्मार्टफोनचा वापर आता फक्त बोलण्यापुरता मर्यादित राहिलेला नाही. इतरही अनेक कामं स्मार्टफोनच्या माध्यमातून तुम्ही करू शकता. आजच्या काळात अनेक लोक कार्यालयीन कामं तसेच घरातील कामं करतात. अशा कामांमुळं अनेकदा लोक वेळेवर मीटिंगला उपस्थित राहू शकत नाहीत. अनेक लोक मीटिंगच्या वेळा आणि तारखा विसरतात. एवढंच नाही तर घरातील इतर कार्यक्रम तसेच आपल्या मित्रांचे आणि नातेवाईकांचे वाढदिवसही अनेकजण विसरतात.

Google Calendar च्या मदतीनं मीटिंग शेड्यूल करण्यासाठी तुम्हाला जास्त काळजी करण्याची गरज नाही. तुम्ही तुमच्या स्मार्टफोनवर अशा प्रकारे मीटिंग शेड्यूल करू शकता. मीटिंग शेड्यूल करण्यासाठी तुम्हाला मोबाईल फोनवर कोणतेही वेगळं अॅप इन्स्टॉल करण्याची गरज नाही. आज आम्ही तुम्हाला सांगणार आहोत की, तुम्ही तुमच्या मोबाईल फोनच्या कॅलेंडरमध्ये मीटिंग कशी शेड्यूल करू शकता.

गुगल कॅलेंडरच्या मदतीनं करा मीटिंग शेड्यूल -

  1. तुमच्या मोबाईल फोनवर Google Calendar अ‍ॅपवर क्लिक करून उघडा.
  2. कॅलेंडर अ‍ॅप उघडल्यानंतर, तुम्हाला खाली उजवीकडे प्लस (Create) किंवा जोडा (+) पर्याय दिसेल.
  3. प्लस वर क्लिक केल्यानंतर, तुम्हाला चार पर्याय दिसतील, ज्यामध्ये गोल, रिमाइंडर, टास्क, इव्हेंट समाविष्ट आहे.
  4. चार पर्यायांपैकी तुम्हाला इव्हेंटवर क्लिक करावं लागेल.
  5. सर्व प्रथम, आपण कार्यक्रमाचं शीर्षक लिहू शकता.
  6. तुम्ही स्मार्टफोनमध्ये ज्या पद्धतीनं वेळ सेट करता, त्याच पद्धतीनं तुम्ही मीटिंगची वेळही सेट करू शकता.
  7. खालील पर्यायामध्ये तुम्ही या मीटिंगमध्ये सहभागी होणार्‍या लोकांना देखील जोडू शकता.
  8. तुम्ही Add Video Conference वर क्लिक करून Google Meet निवडू शकता.
  9. तुम्ही नियोजित वेळेच्या आधीच वेळ सेट करू शकता.
  10. add description वर क्लिक करून तुम्ही मीटिंगबद्दल माहिती देऊ शकता.
  11. इतकेच नाही तर तुम्ही नोट्स शेअर देखील करू शकता.

हेही वाचा- Whatsappवर चॅटिंग करत असूनही दिसाल ऑफलाइन, लवकरच येणार खास फीचर

वाढदिवस लक्षात ठेवणं खूपच सोपं-

कधी-कधी काही लोकांचे मित्र आणि नातेवाईक त्यांना वाढदिवसाच्या शुभेच्छा वेळेवर दिल्या नाहीत तर रागावतात. जर तुम्ही तुमच्या मित्रांना आणि नातेवाईकांना त्यांच्या वाढदिवसाच्या शुभेच्छा देण्यास विसरू नये, असं वाटत असेल, अशा परिस्थितीत तुम्ही गुगल कॅलेंडरची मदत घेऊन आगाऊ रिमाइंडर सेट करू शकता. जेणेकरून तुम्ही प्रथम त्यांचे अभिनंदन करू शकता. आता आम्ही तुम्हाला रिमाइंडर कशी सेट करू शकता ते सांगू.

  1. रिमाइंडर सेट करण्यासाठी, तुम्हाला Google Calendar वर जावं लागेल.
  2. Google Calendar मध्ये, तुम्हाला ज्या तारखेसाठी स्मरणपत्र सेट करायचं आहे, त्यावर क्लिक करा.
  3. रिमाइंडर सेट करण्यासाठी, तुम्हाला वेळ लिहावी लागेल तसेच त्या दिवशी कोणाचा वाढदिवस आहे, हे लिहावं लागेल.
  4. तसेच तुम्ही काही छान नोट्सही लिहू शकता.

First published:

Tags: Google, Meeting, Online meetings