)
मुंबई, 10 डिसेंबर : भारतीय क्रिकेटपटू विराट कोहलीची बॅट आता एकदिवसीय क्रिकेटमध्येही तळपली आहे. विराट कोहलीने एकदिवसीय क्रिकेटमध्ये आणखी एक शतक केलं आहे. या शतकासह त्याने ऑस्ट्रेलियाचा माजी कर्णधार रिकी पाँटिंगला मागे टाकलंय. याच सामन्यात इशान किशनने द्विशतकी खेळी केलीय. विराटने 85 चेंडूत 11 चौकार आणि 1 षटकाराच्या मदतीने शतक झळकावलं. एकदिवसीय क्रिकेटमधलं त्याचं हे 44 वे शतक आहे. त्याने रिकी पाँटिंगचा विक्रम मोडला आहे. आतंरराष्ट्रीय क्रिकेटमध्ये रिकी पाँटिंगच्या नावावर 71 शतके आहेत. तर विराटने 536 डावात 72 शतके केली आहेत. क्रिकेटमध्ये सर्वाधिक शतके झळकावणाऱ्या सचिन तेंडुलकरनंतर विराटचा नंबर लागतो. सचिन तेंडुलकरने एकूण 100 शतके केली आहेत. हेही वाचा : इशान किशनने द्विशतकासह केले अनेक विक्रम, सचिन-रोहितलासुद्धा टाकलं मागे एकदिवसीय क्रिकेटमध्येही सचिनच्या नावावर सर्वाधिक शथके आहेत. सचिनने वनडेत 49 शतके केली आहेत. त्याच्यानतंर विराट कोहली 44 शतकांसह दुसऱ्या स्थानी आहे. विराटने वनडेशिवाय कसोटीत 27 आणि टी20 मध्ये एक शतक केलं आहे. रिकी पाँटिंगने 668 डावात 71 शतके केली होती.
हेही वाचा : इशान किशनचं ‘शान’दार द्विशतक, गेलला मागे टाकून केला विश्वविक्रम
एकदिवसीय क्रिकेटमध्ये विराट कोहलीने तब्बल तीन वर्षांनी शतक केलं आहे. त्याने याआधीचं शतक 14 ऑगस्ट 2019 रोजी केलं होतं. आता वर्ल्ड कप 2023 पर्यंत विराटच्या बॅटमधून आणखी काही शतके भारतीय चाहत्यांना बघायला मिळतील अशी अपेक्षा केली जात आहे. विराटला सचिनच्या 100 शतकांचा विक्रम मोडण्यासाठी अद्याप 28 तर एकदिवसीय क्रिकेटमधील शतकांचा विक्रम मागे टाकण्यासाठी 5 शतकांची गरज आहे.
+6
फोटो
