)
मुंबई, 14 ऑक्टोबर : बॉलिवूड अभिनेत्री सारा अली खान आणि क्रिकेटर शुभमन गिल यांच्या नात्याबाबत सोशल मीडियावर बऱ्याच दिवसांपासून अनेक तर्कवितर्क लावले जात आहेत. त्यांचा हॉटेलमधील एक फोटो सोशल मीडियावर व्हायरल झाला होता. त्यानंतर दोघांविषयी सगळीकडे एकच चर्चा पहायला मिळत आहे. अशातच त्यांचे दोन व्हिडिओ समोर आले ज्यात सारा आणि शुभमन एका हॉटेलमधून बाहेर पडताना आणि नंतर फ्लाइटमध्ये एकमेकांच्या शेजारी बसताना दिसत आहे. सध्या या व्हिडीओनं सगळयांचं लक्ष वेधलंय. पहिल्या व्हिडिओमध्ये सारा गुलाबी रंगाचा टँक टॉप घालून हॉटेलच्या लॉबीमधून बाहेर पडताना दिसत आहे. ती बाहेर पडताच, कॅमेरा दुसऱ्या एका व्यक्तीवर जातो ती व्यक्ती शुभमन असल्याचा तर्क सोशल मीडियावर लावला जात आहे.
दुसऱ्या व्हिडीओमध्ये सारा आणि शुभमन यांना फ्लाइटमध्ये एकत्र पाहिल्याचा दावा केला जात आहे. सारा फ्लाइटमध्ये चाहत्यांसोबत सेल्फी घेताना दिसते आणि नंतर तिच्या सीटवर जाते. त्यामुळे व्हिडीओमध्ये सारासोबत असणारा व्यक्ती शुभमन असल्याचं नेटकऱ्यांचं म्हणणं आहे. एका यूजरने ट्विटरवर लिहिले की, ‘कदाचित मी चुकीचा असू शकतो पण शुभमन आणि सारा एकमेकांच्या शेजारी बसलेले दिसत आहेत’.
दरम्यान, गेल्या काही दिवसांपासून सारा अली खान आणि क्रिकेटर शुभमन गिल एकमेकांना डेट करत असल्याच्या चर्चा आहेत. दोघांनाही दुबईमध्ये डिनर करताना एकत्र स्पॉट केलं होतं. तेव्हापासून त्यांच्या डेटिंगच्या चर्चांना उधाण आलं आहे. शुभमनच्या पहिले साराचं नाव कार्तिक आर्यनसोबत जोडलं गेलं होतं.
+6
फोटो
