Home /News /sport /

Ashes Series पूर्वी इंग्लंडला मोठा धक्का; जेम्स अँडरसन गाबा कसोटीत खेळणार नाही

Ashes Series पूर्वी इंग्लंडला मोठा धक्का; जेम्स अँडरसन गाबा कसोटीत खेळणार नाही

James Anderson

James Anderson

अ‍ॅशेस मालिका(Ashes Series 2021-22) सुरू होण्यापूर्वीच इंग्लंड(england) संघाला मोठा धक्का बसला आहे.

    नवी दिल्ली, 7 डिसेंबर: इंग्लंड आणि ऑस्ट्रेलिया यांच्यातील अ‍ॅशेस मालिका(Ashes Series 2021-22) सुरू होण्यापूर्वीच इंग्लंड(england) संघाला मोठा धक्का बसला आहे. स्टार गोलंदाज जेम्स अँडरसन(James Anderson) पहिल्या कसोटीत खेळणार नसल्याची माहिती समोर आली आहे. त्याचबरोबर स्टुअर्ट ब्रॉडच्या खेळाबाबतही शंका उपस्थित होत आहेत. तथापि, इंग्लंडने अद्याप प्लेइंग इलेव्हनची घोषणा केलेली नाही. मिळालेल्या माहितीनुसार, अँडरसन पूर्णपणे तंदुरुस्त आहे. 5 सामन्यांची मालिका पाहता आणि कामाचा ताण पाहता व्यवस्थापनाने त्याला विश्रांती देण्याचा निर्णय घेतला आहे. अँडरसनने प्रथम श्रेणी क्रिकेटमध्ये 1000 हून अधिक विकेट्स घेतल्या आहेत. त्याचा कसोटीतील रेकॉर्डही उत्कृष्ट आहे. मालिकेतील पहिला सामना 8 ते 12 डिसेंबर दरम्यान ब्रिस्बेनच्या गाबा मैदानावर होणार आहे. जेम्स अँडरसनचे कसोटीतील रेकॉर्ड उत्कृष्ट आहे. त्याने आतापर्यंत 166 सामन्यात 27 च्या सरासरीने 632 विकेट्स घेतल्या आहेत. 31 वेळा 3 वेळा 10 विकेट घेण्याचा पराक्रम केला आहे. तो कसोटीत सर्वाधिक बळी घेणारा गोलंदाज आहे. त्याने प्रथम श्रेणीच्या 267 सामन्यात 1018 विकेट घेतल्या आहेत. त्याच्या जागी पहिल्या कसोटीत ख्रिस वोक्सला (Chris Woakes) संधी मिळू शकते.

    ऑस्ट्रेलियाविरुद्ध 104 बळी टिपले

    जेम्स अँडरसनचे ऑस्ट्रेलियाविरुद्ध रेकॉर्ड उत्कृष्ट आहे. त्याने 32 कसोटी सामन्यांच्या 59 डावात 35 च्या सरासरीने 104 बळी टिपले आहेत. 5 वेळा 5 विकेट्स आणि एकदा 10 विकेट घेतल्या. 47 धावांत 6 बाद ही त्याची सर्वोत्तम कामगिरी आहे. अशा स्थितीत अँडरसनला न खेळवणे ऑस्ट्रेलियासाठीही दिलासादायक आहे. मात्र अष्टपैलू बेन स्टोक्स या मालिकेतून पुनरागमन करणार आहे. याचा फायदा इंग्लंड संघाला होणार आहे.

    स्टुअर्ट ब्रॉडला बाहेर ठेवण्यचा व्यवस्थापनाचा विचार

    स्टुअर्ट ब्रॉड पहिल्या कसोटीत खेळेल की नाही याबद्दलही क्रिकेट जगतात शंका उपस्थित करण्यात येत आहे. स्टुअर्ट ब्रॉड दुखापतीमुळे ऑगस्टपासून क्रिकेटपासून दूर होता. पावसाने प्रभावित झालेल्या सराव सामन्यात त्याला फारसा सराव करता आला नाही. जर डी खेळू शकला नाही, तर फिरकी गोलंदाज जेक लीचला संघात स्थान दिले जाऊ शकते.
    Published by:Dhanshri Otari
    First published:

    Tags: Australia, England, James anderson, Test series

    पुढील बातम्या