)
मुंबई, 12 मे : सूर्यकुमार यादवचं वादळी शतक आणि भेदक बॉलिंगच्या जोरावर मुंबईने गुजरातचा 27 रनने पराभव केला आहे. मुंबईने दिलेल्या 219 रनच्या आव्हानाचा पाठलाग करताना गुजरातने 20 ओव्हरमध्ये 191/8 एवढा स्कोअर केला. या आव्हानाचा पाठलाग करायला आलेल्या गुजरातने 55 रनवरच 5 विकेट गमावल्या होत्या, पण राशिद खानने झुंजार खेळी केली. राशिद खानने 32 बॉलमध्ये 79 रन केले, यामध्ये 10 सिक्स आणि 3 फोरचा समावेश होता. या इनिंगमध्ये राशिदचा स्ट्राईक रेट 246.88 एवढा होता. डेविड मिलरनेही 26 बॉलमध्ये 41 आणि विजय शंकरने 14 बॉलमध्ये 29 रन केले. मुंबईकडून आकाश मढवालने सर्वाधिक 3 विकेट घेतल्या, याशिवाय पियुष चावला आणि कुमार कार्तिकेय यांना प्रत्येकी 2-2 विकेट मिळाल्या. जेसन बेहरनडॉर्फला एक विकेट घेण्यात यश आलं. या सामन्यात गुजरातचा कर्णधार हार्दिक पांड्याने टॉस जिंकून मुंबईला पहिले बॅटिंगला बोलावलं, यानंतर मुंबईने 20 ओव्हरमध्ये 5 विकेट गमावून 218 रन केल्या. सूर्यकुमार यादवने 49 बॉलमध्ये 210 च्या स्ट्राईक रेटने नाबाद 103 रनची खेळी केली. सूर्याच्या या खेळीमध्ये 11 फोर आणि 6 सिक्सचा समावेश होता. इशान किशन आणि रोहित शर्मा यांनी मुंबईला चांगली सुरूवात करून दिली. रोहित आणि इशान यांनी पहिल्या 6 ओव्हरमध्ये 61 रन केले, रोहित 31 रनवर तर इशान 29 रन करून आऊट झाला. विष्णू विनोदने 30 आणि नेहल वढेराने 15 रन केले. गुजरातकडून राशिद खानने सर्वाधिक 4 विकेट घेतल्या, तर मोहित शर्माला 1 विकेट घेण्यात यश आलं. या विजयासोबतच मुंबईच्या खात्यात 14 पॉईंट्स जमा झाले आहेत. मुंबईने या मोसमात 12 पैकी 7 मॅच जिंकल्या असून 5 सामन्यांमध्ये त्यांचा पराभव झाला आहे. पॉईंट्स टेबलमध्ये मुंबई तिसऱ्या क्रमांकावर आहे. मुंबईच्या उरलेल्या दोन मॅच लखनऊ आणि हैदराबादविरुद्ध आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
