स्पोर्ट्स

  • associate partner

IPL 2020 : 6 वर्षांआधी सुशांतच्या सिनेमात होता हिरो, आता मुंबई इंडियन्सकडून खेळणार IPL

IPL 2020 : 6 वर्षांआधी सुशांतच्या सिनेमात होता हिरो, आता मुंबई इंडियन्सकडून खेळणार IPL

सुशांतसोबत सिनेमात काम केलेला हा अभिनेता आता मुंबई पलटनमध्ये सामिल झाला आहे.

  • Share this:

मुंबई, 14 सप्टेंबर : आयपीएलच्या तेराव्या (IPL 2020) हंगामाचं बिगूल 5 दिवसांनी वाजणार आहे. 19 सप्टेंबरपासून सुरू या हंगामात युवा खेळाडूंवर सर्वांच्या नजरा आहेत. असाच एक मुंबई इंडियन्सचा खेळाडू प्रथम श्रेणी क्रिकेटमध्ये जबरदस्त कामगिरी करून आयपीएलमध्ये पदार्पण करण्यासाठी सज्ज आहे. असाच एक मुंबईच्या संघात दाखल झालेला खेळाडू दिग्विजय देशमुख यानं केवळ क्रिकेटच नाही तर बॉलिवूडमध्येही आपले नशीब आजमावले आहे.

दिग्विजय देशमुखला मुंबई इंडियन्स संघानं यंदाच्या लिलावात अखेरच्या फेरीत 20 लाख रुपयांच्या बेस प्राईजवर विकत घेतले. मात्र दिग्विजयबाबतची एक गोष्ट फार कमी लोकांना माहित असेल ती म्हणजे क्रिकेटमध्ये करिअर करण्यापूर्वी त्यांनी चित्रपटांमध्ये भूमिका केली होती. सुशांत सिंग राजपूतची प्रमुख भूमिका असलेल्या 'काय पो चे' या सिनेमात दिग्विजय अली हाशमीच्या भूमिकेत दिसला होता. या चित्रपटात दिग्विजय एक प्रतिभावान तरूण क्रिकेटपटूची भूमिका साकारली होती.

वाचा-'या' 20 वर्षीय खेळाडूच्या नावे अजब रेकॉर्ड, एकही गोलंदाज नाही आसपास

ऑलराऊंडर खेळाडू आहे दिग्विजय देशमुख

21 वर्षीय दिग्विजय उजव्या हाताचा फलंदाज आणि उजवा हाताचा मध्यम वेगवान गोलंदाज आहे. त्यानं आतापर्यंत 1 प्रथम श्रेणी आणि 7 टी -20 सामने खेळले आहेत. प्रथम श्रेणी क्रिकेटमध्ये त्यानं एका सामन्यात 85 धावा आणि 6 विकेट घेतले आहेत. त्याचबरोबर, 7 टी -20 सामन्यात 19 धावा केल्या आहेत. तर, 9 विकेटही घेतल्या आहेत. दिग्विजय देशमुख देशांतर्गत क्रिकेटमध्ये महाराष्ट्राकडून खेळतो. त्याने डिसेंबरमध्येच रणजी सामन्यात फर्स्ट क्लासमध्ये प्रवेश केला आहे. देशमुख महाराष्ट्रात रणजी करंडक स्पर्धेत खेळला. त्याने 71 चेंडूत 83 धावा केल्या. त्यात सात चौकार आणि पाच षटकारांचा समावेश होता परंतु तो आठव्या क्रमांकावर पोहोचला. त्यामुळं जम्मू-काश्मीरच्या संघापासून आपल्या संघाला पराभूत होण्यापासून तो वाचवू शकला नाही.

वाचा-रोहित शर्माची चिंता वाढली, मुंबई इंडियन्सची 'ही' बाजू अजूनही कमकुवतच!

2013मध्ये प्रदर्शित झाला ‘काय पो चे’

काय पो चे हा चित्रपट 2013मध्ये आला होता. या चित्रपटानं बॉक्स ऑफिसवरही चांगली कमाई केली होती. सुशांत सिंग राजपूतसोबत, राजकुमार राव, अमित साध, मानव कौल असे सुप्रसिद्ध कलाकार ही होते. हा चित्रपट लेखक चेतन भगत यांच्या 'थ्री मिस्टेक्स ऑफ माय लाइफ' या प्रसिद्ध पुस्तकावर आधारित आहे. यात तीन मित्र असतात ज्यांनी त्यांचे गणित प्रशिक्षण आणि क्रिकेट अकादमी उघडली होती. मात्र दंगलीच्या चर्चेत तिघांची मैत्रीची खरी परीक्षा आणि अली हाश्मी यांना हे तीन क्रिकेटपटू कसे बनवता येतील, हे सर्व चित्रपटात दाखवले आहे. या चित्रपटाचे दिग्दर्शन अभिषेक कपूर यांनी केले होते.

वाचा-लिलावात सर्व संघांनी नाकारलेल्या 'या' युवा गोलंदाजाला CSKने घेतलं विकत

मुंबईचा संघ: रोहित शर्मा (कर्णधार), शेरफेन रदरफोर्ड, सूर्यकुमार यादव, अनमोलप्रीत सिंह, ख्रिस लिन, सौरव तिवारी, धवल कुलकर्णी, जसप्रीत बुमराह, मिचेल मॅक्‍ग्‍लेघन, राहुल चाहर, ट्रेंट बोल्‍ट, मोहसिन खान, प्रिंस बलवंत राय सिंह, दिग्‍विजय देशमुख, हार्दिक पांड्या, जयंत यादव, क्रुणाल पांड्या, अनुकूल रॉय, नॅथन कूल्‍टन नाइल, इशान किशन, क्विंटन डी कॉक, आदित्‍य तारे, जेम्‍स पॅटिंसन.

Published by: Priyanka Gawde
First published: September 15, 2020, 7:58 AM IST

ताज्या बातम्या

corona virus btn
corona virus btn
Loading