)
ऑकलंड, 24 नोव्हेंबर: न्यूझीलंड दौऱ्यातल्या टी20 मालिकेनंतर टीम इंडिया सज्ज झाली आहे ती वन डे मालिकेसाठी. शिखर धवनच्या नेतृत्वात भारतीय संघ यजमान न्यूझीलंडशी दोन हात करणार आहे. तीन सामन्याच्या या मालिकेतील पहिला सामना ऑकलंडमध्ये होणार आहे. पण भारत आणि न्यूझीलंडच्या प्रमाणवेळेत बराच फरक असल्यानं वन डे सामना भारतीय वेळेनुसार सकाळी सुरु होणार आहे. त्यामुळे भारतीय क्रिकेट चाहत्यांना सकाळी लवकर उठावं लागणार आहे. कधी सुरु होणार मॅच? भारत आणि न्यूझीलंड संघातला वन डे सामना शुक्रवारी सकाळी 7 वाजता सुरु होणार आहे. तर टॉस 6.30 वाजता होईल. त्यामुळे जर मॅचचा एकही बॉल चुकवायचा नसेल तर तुम्हाला सकाळी लवकरचा अलार्म सेट करावा लागेल.
All in readiness for the #NZvIND ODI series starting tomorrow 💪#TeamIndia pic.twitter.com/OJH3MViV8u
— BCCI (@BCCI) November 24, 2022
वन डे ट्रॉफीचं अनावरण दरम्यान आज ऑकलंडमध्ये टीम इंडियाचा कर्णधार शिखर धवन आणि केन विल्यमसननं या वन डे मालिकेच्या ट्रॉफीचं अनावरण केलं. यावेळी दोन्ही कर्णधारांचं ट्रॉफीसह फोटोशूट पार पडलं.
Smiles, friendly banter & the trophy 🏆 unveil! #TeamIndia | #NZvIND pic.twitter.com/3R2zh0znZ3
— BCCI (@BCCI) November 24, 2022
हेही वाचा - FIFA WC 2022: फिफा वर्ल्ड कपमध्ये जपानची ‘त्सुनामी’, ‘या’ बलाढ्य संघाला दिला पराभवाचा तडाखा भारत-न्यूझीलंड वन डे मालिका 25 नोव्हेंबर, पहिली वन डे - ऑकलंड 27 नोव्हेंबर, दुसरी वन डे - हॅमिल्टन 30 नोव्हेंबर, तिसरी वन डे - ख्राईस्टचर्च वन डे मालिकेतले तिन्ही सामने भारतीय प्रमाणवेळेनुसार सकाळी सात वाजता सुरु होणार आहेत. भारताचा वन डे संघ - शिखर धवन (कर्णधार), रिषभ पंत (उपकर्णधार), शुभमन गिल, दीपक हुडा, श्रेयस अय्यर, सूर्यकुमार यादव, संजू सॅमसन, युजवेंद्र चहल, कुलदीप यादव, शाहबाज अहमद, वॉशिंग्टन सुंदर, उमरान मलिक, कुलदीप सेन, अर्शदीप, शार्दूल ठाकूर, दीपक चहर.
+6
फोटो
