पाकिस्तान पोहचणार सेमीफायनलला? टॉप 4 मधील एक संघ पडू शकतो बाहेर!

लॉर्ड्स, 24 जून : ICC Cricket World Cup स्पर्धेत पाकिस्तानने भारताविरुद्धच्या पराभवातून सावरत जोरदार कमबॅक केलं आहे. लॉर्ड्सवर झालेल्या सामन्यात त्यांनी दक्षिण आफ्रिकेवर एकतर्फी विजय मिळवला. प्रथम फलंदाजी करताना पाकिस्तानना 50 षटकांत 308 धावा केल्या. त्यानंतर दक्षिण आफ्रिकेला 259 धावांत रोखलं. या विजयानंतर पाकिस्तानच्या सेमिफायनलला पोहचण्याच्या आशा पल्लवित झाल्या आहेत. पाकिस्तानच्या विजयाने यजमान इंग्लंडच्या पुढच्या वाटचालीवर प्रश्नचिन्ह निर्माण झालं आहे. दक्षिण आफ्रिकेला पराभूत करून पाकचे 6 सामन्यात 5 गुण झाले आहेत. जर पाकिस्तानने पुढचे तीनही सामने जिंकले तर त्यांना सेमिफायनलला जागा मिळू शकते. पाकिस्तानने उर्वरित सामन्यात विजय मिळवल्यास त्यांचे 11 गुण होतील. पाकिस्तानच्या वर लंकेचा संघ असून ते एका सामन्यात जरी पराभूत झाले आणि इतर सामन्यात विजय मिळवला तर त्यांचे 10 गुण होतील. तर बांगलादेशसुद्धा एका सामन्यात पराभतू झाल्यास त्यांनाही 10 गुण मिळवता येतील. या दोन्ही संघांना भारताशी लढायचे आहे. त्यात विजय मिळवणं लंकेला आणि बांगलादेशला कठीण आहे. बांगलादेश आणि लंकेच्या पराभवाशिवाय यजमान इंग्लंडच्या जय पराजयावर पाकिस्तानची पुढची वाटचाल ठरणार आहे. सध्या इंग्लंड चौथ्या क्रमांकावर आहे. त्यांचे तीन सामने उरले आहेत. यातील दोन सामन्यात इंग्लंडचा पराभव झाल्यास पाचव्या क्रमांकावरील संघ सेमीफायनलला जागा पक्की करू शकतो. इंग्लंडसाठी पुढचे तीनही सामने महत्त्वाचे आहेत. त्यांची गाठ ऑस्ट्रेलिया, भारत आणि न्यूझीलंडशी पडणार आहे. यात भारत आणि न्यूझीलंड हे स्पर्धेतील अपराजित संघ आहेत. त्यामुळे या संघाविरुद्ध इंग्लंडची कामगिरी कशी होते यावर स्पर्धेत कोण राहणार आणि बाहेर कोण पडणार हे समजेल. World Cup : शमीची हॅट्ट्रिक तरीही बुमराहने पटकावला सामनावीरचा पुरस्कार! गुणतक्त्यात सातव्या स्थानावर असलेल्या पाकिस्तानचे तीन सामने बाकी आहेत. यात त्यांना विजय मिळवावा लागेल. पाकचे पुढचे सामना न्यूझीलंड, अफगाणिस्तान आणि बांगलादेश यांच्याविरुद्ध आहे. यात एक जरी पराभव झाला तरी त्यांचे वर्ल्ड कपमधील आव्हान संपुष्टात येणार आहे. World Cup : इंग्लंडच्या वाटेत इतिहासाचा अडथळा, स्पर्धेतून बाहेर होणार? World Cup Point Table : पाकचा आफ्रिकेवर विजय, पाहा कोण कितव्या स्थानावर? VIDEO: तरुणांचा माज, बारमध्ये गोळ्या झाडत सुरू होता डान्स

• Follow us on