CSK च्या कॅम्पमध्ये दाक्षिणात्य पद्धतीने Conway च्या प्री वेडींगचे केले सेलिब्रेशन, Dhoni सह खेळाडू दिसले पारंपारिक वेषात

मुंबई, 20 एप्रिल: आयपीएलच्या 15 व्या(IPL 2022) सीझनमध्ये यशस्वी असणारी चेन्नई सुपर किंग्ज (CSK) टीम सध्या फार्मात नसली तरी काही ना काही कारणास्तव चर्चेत असतेच. काही दिवसांपूर्वी ही टीम नविन वर्ष साजरं करताना दिसली. तर आता ही टीम सलामीवीर डेवॉन कॉनवे(Devon Conway) याच्या प्री वेडींगचे सेलिब्रेशन करताना दिसत आहे. त्यामुळे खेळाडू मैदानाबाहेर मजा-मस्ती करताना दिसत आहेत. या प्री वेडींग सेलिब्रेशनमध्ये महेंद्र सिंह धोनीसह इतर खेळाडूंनी पारंपारिक वेष परिधान केला असल्याचे फोटो व्हिडीओ व्हायरल होताना दिसत आहेत. कॉनवे (Devon Conway) त्याची गर्लफ्रेंड किम वॉटसन (Kim Watson) हिच्याशी लवकरच लग्नबंधनात अडकणार आहे. त्यांनी 2020 मध्ये साखरपूडा केला होता. त्यामुळे त्याच्यासाठी चेन्नई सुपर किंग्स (Chennai Super Kings) संघाकडून प्री-वेडींग पार्टी (Pre Wedding Celebration) आयोजित करण्यात आली.

More More pic.twitter.com/HzCagxbbZw

— Chennai Super Kings (@ChennaiIPL) April 19, 2022

या पार्टीला चेन्नई संघाचे खेळाडूंसह जवळपास सर्व सदस्य उपस्थित होते. तसेच सर्वजण पारंपारिक पोषाखात दिसत आहेत. सर्वांनी प्लेन टी शर्ट आणि साऊथची लुंगी परिधान केली होती. तसेच खेळाडू कॉनवेबरोबर डान्स करताना दिसून येत आहे. या पार्टीसाठी कॉनवेटी गर्लफ्रेंड व्हिडिओ कॉलद्वारे सर्वांशी जोडली गेली होती. कॉनवेने या पार्टीसाठी चेन्नई सुपर किंग्सचे (CSK) आभारही मानले. याबरोबरच खेळाडू आणि चेन्नईचे अन्य सदस्य यावेळी कॉनवेला शुभेच्छा देताना आणि त्याला लिफाफे देतानाही दिसले. यात चेन्नई सुपर किंग्सचा माजी कर्णधार एमएस धोनीचाही समावेश होता. कॉवनेच्या प्री वेडींग पार्टीच्या व्हिडिओ आणि फोटो सध्या सोशल मीडियावर तुफान व्हायरल होताना दिसत आहेत.

Now showing - Kim & Conway Wedding Cassette ! https://t.co/oYBPQHs25f!#WeddingWhistles #Yellove pic.twitter.com/pTLdQgTa5n

— Chennai Super Kings (@ChennaiIPL) April 19, 2022

चेन्नईने कॉनवेला आयपीएल 2022 साठी लिलावात 1 कोटी रुपयांना खरेदी केले आहे. त्याने चेन्नईकडून पहिला सामना खेळला होता. त्यानंतर त्याला अंतिम ११ जणांमध्ये संधी मिळालेली नाही. आयपीएल 2022 मध्ये सीएसकेने आत्तापर्यंत 6 सामने खेळले असून 5 सामने पराभूत झाले असून एकच सामना जिंकण्यात त्यांना यश मिळाले आहे.