)
मुंबई, 10 जानेवारी : न्यूझीलंड आणि बांगलादेश (New Zealand vs Bangladesh) टेस्ट सीरिजमधील दुसरी आणि शेवटची टेस्ट सध्या सुरू आहे. क्राईस्टचर्चमधील हेगले ओवलच्या मैदानात हा सामना होत आहे. न्यूझीलंडचा अनुभवी बॅटर रॉस टेलरच्या (Ross Taylor) कारकिर्दीमधील ही शेवटची टेस्ट आहे. या सीरिजनंतर तो टेस्ट क्रिकेटमधून निवृत्त होणार आहे. टेलर सोमवारी शेवटच्या टेस्टमध्ये बॅटींगसाठी आला तेव्हा एक खास गोष्ट घडली. हेगले ओवलमधील न्यूझीलंडचे खेळाडूंसह मॅच पाहण्यासाठी आलेले प्रेक्षक आणि टेलरचे कुटुंबीय या सर्वांनी टाळ्यांच्या गजरात उभे राहून टेलरचे स्वागत केले. टेलर मैदानावर गेला तेव्हा बांगलादेशच्या टीमनेही त्याला ‘गार्ड ऑफ ऑनर’ दिला. आयसीसीने सोशल मीडिया अकांऊटवर याचा व्हिडीओ शेअर केला असून तो सध्या चांगलाच व्हायरल होत आहे. टेलरला शेवटच्या टेस्टमधील पहिल्या इनिंगमध्ये मोठी खेळी करता आली नाही. त्याला 28 रनवर इबादत हुसेनने आऊट केले. न्यूझीलंडने पहिली इनिंग 6 आऊट 521 रनवर घोषित केली. यजमान टीमने दुसऱ्या इनिंगमध्ये बॅटींग केली नाही तर ही टेलरची शेवटची टेस्ट इनिंग असेल.
Ross Taylor received a guard of honour as he walked out to bat in his final Test 👏
— ICC (@ICC) January 9, 2022
Watch #NZvBAN on https://t.co/WngPr0Ns1J (in selected regions) #WTC23 pic.twitter.com/mByP1eBUjj
न्यूझीलंडकडून सर्वात जास्त टेस्ट मॅच खेळण्याचा रेकॉर्ड टेलरच्या नावावार आहे. तसेच टेस्ट आणि वन-डे मध्ये सर्वात जास्त रन करण्याचा रेकॉर्ड देखील त्याच्या नावावर आहे. टेलरने टेस्ट क्रिकेटमध्ये यामध्ये 19 शतक आणि 35 अर्धशतक झळकावली आहेत. यावर्षी भारताविरुद्ध झालेल्या वर्ल्ड टेस्ट चॅम्पियनशिप फायनलमध्ये (WTC Final) टेलरनं न्यूझीलंडचा कॅप्टन केन विल्यमसनच्या (Kane Williamson) मदतीनं विजयावर शिक्कामोर्तब केले होते. केपटाऊनमध्ये दाबणार टीम इंडियाची दुखती नस, आफ्रिकेच्या कॅप्टनचा इशारा वन-डे आणि टी20 इंटरनॅशनलचाही टेलरला मोठा अनुभव आहे. त्याने 233 वन-डेमध्ये 48.20 च्या सरासरीनं 8581 रन केले आहेत. यामध्ये 21 शतक आणि 51 अर्धशतकांचा समावेश आहे. तर, 102 टी 20 इंटरनॅशनलमध्ये 7 अर्धशतकासह 1909 रन टेलरच्या नावावर आहेत. या प्रकारात त्यानं 26.15 च्या सरासरीनं रन केले आहेत. ऑस्ट्रेलिया विरुद्ध होणाऱ्या सीरिजनंतर या प्रकारातूनही निवृत्त होण्याची घोषणा टेलरने केली आहे
+6
फोटो
