IPL 2022 Retention मधील 10 मोठ्या गोष्टी, 'हे' वाचल्यानंतर समजेल संपूर्ण रिटेन्शन

मुंबई, 1 डिसेंबर: आयपीएल 2022 पूर्वी कोणते खेळाडू रिटेन होणार याची उत्सुरकता आता संपली आहे. प्रत्येक टीमला जास्तीत जास्त 4 खेळाडू रिटेन करण्याची परवानगी होती. पण प्रत्यक्षात 4 टीमनी ही कमाल मर्यादा पूर्ण केली आहे. 3 टीमनी प्रत्येकी तीन खेळाडू रिटेन केले असून पंजाब किंग्जनं 2 खेळाडूंना रिटेन केले आहे. त्यामुळे एकूण 27 खेळाडू आगामी मेगा ऑक्शनमध्ये (IPL 2022 Mega Auction) नसतील हे आता स्पष्ट झाले आहे. या रिटेन्शनमधील 10 प्रमुख गोष्टी कोणत्या आहेत हे पाहूया

1. मुंबई इंडियन्सच्या (Mumbai Indians) चौथ्या खेळाडूसाठी इशान किशनचे (Ishan Kishan) नाव आघाडीवर होते. पण  मुंबईनं शेवटच्या क्षणी धक्का देत सूर्यकुमार यादवची (Suryakumar Yadav) निवड केली आहे.
2. चेन्नई सुपर किंग्सनं (Chennai Super Kings) महेंद्रसिंह धोनीपेक्षा (MS Dhoni) रविंद्र जडेजाला (Ravindra Jadeja) जास्त पैसे दिले आहेत.
3. विराट कोहलीला (Virat Kohli) रोहित शर्मापेक्षा कमी पैसे मिळाले आहेत.
4. सनरायझर्स हैदराबादची (SRH) टीम राशिद खानला (Rashid Khan) रिटेन करू शकली नाही
5. पंजाब किंग्जचा कॅप्टन केएल राहुलनं (KL Rahul) टीमची साथ सोडली असून पंजाबनं मयांक अग्रवालला रिटेन केले आहे.
6. दिल्ली कॅपिटल्सनं ऋषभ पंतला (Rishabh Pant) कॅप्टन करण्याचा निर्णय घेतला असून माजी श्रेयस अय्यर (Shreyas Iyer) टीममधून बाहेर पडला आहे.
7. कोलकाता नाईट रायडर्सनं (KKR) त्यांचा युवा चेहरा शुभमन गिलला (Shubaman Gill) रिटेन केलेले नाही.
8. राजस्थान रॉयल्सनं (Rajasthan Royals) बेन स्टोक्स आणि जोफ्रा आर्चर या दोन बड्या खेळाडूंना बाहेर केले आहे.
9.  पंजाब किंग्जकडे सर्वात जास्त पैसे (72 कोटी) शिल्लक आहेत.
10. जम्मू काश्मीरच्या अब्दुल समद आणि उमरान मलिक या दोन अनकॅप खेळाडूंवर सनरायझर्स हैदराबादनं मोठा विश्वास दाखवला आहे.

आयपीएल 2022 साठी बनवलेल्या नियमांनुसार प्रत्येक टीम जास्तीत जास्त 4 खेळाडूंना रिटेन करू शकत होती. यात 3 भारतीय आणि एक परदेशी किंवा 2 भारतीय आणि 2 परदेशी खेळाडूंना रिटेन करता येणार होतं. या नियमांमुळे बहुतेक दिग्गजांना पुन्हा एकदा लिलावात जावं लागणार आहे.

IPL 2022: जम्मू काश्मीरचे 2 खेळाडू रातोरात करोडपती, दिग्गजांना मागं टाकत मारली बाजी

ज्या खेळाडूंना त्यांच्या टीमनी बाहेरचा रस्ता दाखवला यांच्यातल्या बहुतेक जणांनी आयपीएलमध्ये धमाकेदार कामगिरी केली आहे. यामध्ये मुंबई इंडियन्समधल्या पांड्या बंधू आणि ईशान किशनचा, आरसीबीच्या युझवेंद्र चहल आणि या मोसमात सर्वाधिक विकेट घेणाऱ्या खेळाडूंचा समावेश आहे.