IPL 2022 : विराट कोहलीनं दिली गुजरातच्या खेळाडूला धडक, सर्वांच्या चुकला काळजाचा ठोका! VIDEO

मुंबई, 20 मे : रॉयल चॅलेंजर्स बँगलोर विरूद्ध गुजरात टायटन्स (RCB vs GT) या गुरूवारी झालेल्या मॅचमध्ये विराट कोहलीनं (Virat Kohli) अर्धशतक झळकावलं. या मॅचमध्ये त्यानं गुजरातच्या सर्वच गोलंदाची धुलाई केली.  विराटच्या अर्धशतकामुळे आरसीबीनं हा सामना 8 विकेट्सनं जिंकला आणि स्पर्धेतील आव्हान कायम ठेवलं आहे. विराट या खेळीच्या दरम्यान एका अपघातामधूनही बचावला. आरसीबीच्या इनिंगमधील 9 व्या ओव्हरला हा प्रकार घडला. गुजरातकडून साई किशोर (Sai Kishore) बॉलिंग करत होता. साईच्या ओव्हरमधील तिसऱ्या बॉलवर एक रन काढताना विराट वेगानं पळत होता. तो पळता-पळता थेट साई किशोरला धडकला. गुजरातच्या फिल्डरनं फेकलेला बॉल साई पकडण्याचा प्रयत्न करत होता. त्यावेळी विराट त्याला येऊन धडकला. ही धडक चांगलीच जोरात होती. त्यामध्ये विराट आणि साई हे दोघंही खाली पडले. सुदैवानं यामध्ये कोणताही अपघात झाला नाही. ही धडक पाहून सर्वांच्याच काळजाचा ठोका काही काळ चुकला होता.

pic.twitter.com/jDllcjqXaQ

— Bleh (@rishabh2209420) May 19, 2022

विराटनं गुजरात टायटन्स (Gujarat Titans) विरूद्ध 54 बॉलमध्ये 73 रनची खेळी केली. या आयपीएल सिझनमधील विराटचं हे दुसरं अर्धशतक आहे. विशेष म्हणजे त्यानं दोन्ही अर्धशतक गुजरात टायटन्स विरूद्धच झळकावली आहेत. गुजरातने दिलेलं 169 रनचं आव्हान आरसीबीने 18.4 ओव्हरमध्ये 2 विकेट गमावून पार केलं. या आव्हानाचा पाठलाग करताना विराट कोहली आणि फाफ डुप्लेसिस यांच्यात 115 रनची पार्टनरशीप झाली.आरसीबीकडून विराट कोहलीने 54 बॉलमध्ये 73 रनची खेळी केली, तर डुप्लेसिस 38 बॉलमध्ये 44 रन करून आऊट झाला. ग्लेन मॅक्सवेलने 18 बॉलमध्ये नाबाद 40 रन केले. IPL 2022 : ड्रेसिंग रूममधील आदळ आपट Mathew Wade ला महागात, मिळाली चुकीची शिक्षा गुजरात टायटन्सवरील विजयानंतरही आरसीबीला प्ले-ऑफमध्ये पोहोचण्यासाठी मुंबई इंडियन्सवर (Mumbai Indians) अवलंबून राहावं लागणार आहे. मुंबई आणि दिल्ली यांच्यात शनिवारी महत्त्वाचा सामना होणार आहे. या सामन्यात मुंबईचा विजय झाला तर आरसीबी प्ले-ऑफमध्ये पोहोचेल, पण जर मुंबईने हा सामना गमावला तर मात्र आरसीबीच्या प्ले-ऑफला पोहचण्याच्या स्वप्नांचा चुराडा होईल.