Ashes Series: इंग्लंडला लाज वाचवण्याची शेवटची संधी, होबार्ट टेस्टमध्ये नामुश्की टाळणार?

होबार्ट, 16 डिसेंबर : ऑस्ट्रेलिया विरुद्ध इंग्लंड (Australia vs England) यांच्यातील अ‍ॅशेस सीरिजमधील (Ashes Series) शेवटची सध्या होबार्टमध्ये सुरू आहे. या सीरिजमधील पहिल्या तीन टेस्ट ऑस्ट्रेलियानं एकतर्फी जिंकल्या होत्या. सिडनीमध्ये झालेल्या कसाबसा पराभव टाळण्यात इंग्लंडला यश आलं. आता होबार्टमध्ये सुरू असलेल्या शेवटच्या टेस्टमध्ये इंग्लंडला नामुश्की टाळण्याची संधी आहे. होबार्ट टेस्टच्या तिसऱ्या दिवशी इंग्लंडच्या बॉलर्सनी जोरदार कामगिरी केली. या कामगिरीमुळे ऑस्ट्रेलियाची दुसरी इनिंग 155 रनवर संपुष्टात आली. इंग्लंडकडून मार्क वूड (Mark Wood) सर्वात यशस्वी बॉलर ठरला. त्याने 37 रन देत 6 विकेट्स घेतल्या. वूडला अनुभवी स्टुअर्ट ब्रॉडने (Stuart Broad) 3 विकेट्स देत भक्कम साथ दिली. ख्रिस वोक्सने 1 विकेट्स घेतली.

Career-best figures for Mark Wood - that's the third five-wicket haul of his Test career! #Ashes | @VodafoneAU pic.twitter.com/XS94VFozGE

— cricket.com.au (@cricketcomau) January 16, 2022

ऑस्ट्रेलियानं पहिल्या इनिंगमध्ये ट्रेव्हिस हेडच्या (Travis Head) शतकाच्या जोरावर 303 रन केले होते. त्याला उत्तर देताना इंग्लंडची पहिली इनिंग 188 रनवरच संपुष्टात आली. ऑस्ट्रेलियाला पहिल्या इनिंगमध्ये 115 रनची आघाडी मिळाली होती. त्यानंतर त्यांना दुसऱ्या इनिंगमध्ये फार कमाल करता आली नाही. ऑस्ट्रेलियाकडून दुसऱ्या इनिंगमध्ये विकेट किपर अ‍ॅलेक्स कॅरीने सर्वात जास्त 49 रन केले. युजवेंद्र चहलची पत्नी धनश्री झाली Rowdy Baby तुम्ही पाहिला का VIDEO? इंग्लंडला विजयासाठी 271 रनचे आव्हान आहे. या आव्हानाचा पाठलाग करताना इंग्लंडच्या ओपनर्सनी चांगली सुरूवात केली असून त्यांनी 50 रनचा टप्पा एकही विकेट न गमावता पूर्ण केला आहे. होबार्ट टेस्टचा हा तिसराच दिवस आहे. त्यामुळे इंग्लंडला हे टार्गेट पूर्ण करण्यासाठी भरपूर कालावधी शिल्लक आहे.  अ‍ॅशेस सीरिज ऑस्ट्रेलियाने यापूर्वीच जिंकली आहे. आता शेवटची टेस्ट जिंकून रिकाम्या हाताने मायदेशी जाण्याची नामुश्की टाळता येईल.