)
मुंबई, 17 जानेवारी : ऑस्ट्रेलियाचा कॅप्टन पॅट कमिन्स (Pat Cummins) सध्या फॉर्मात आहे. इंग्लंड विरुद्धच्या अ‍ॅशेस मालिकेत (Ashes Series 2021-22) कमिन्सनं जबरदस्त कॅप्टनसी केली. ऑस्ट्रेलियाने ही मालिका 4-0 या फरकाने जिंकली. होबार्ट टेस्ट जिंकल्यानंतर ऑस्ट्रेलियन खेळाडू या विजयाचे सेलिब्रेशन करत होते. त्यावेळी उस्मान ख्वाजा (Usman Khawaja) एकटाच लांब उभा होता. त्याला आनंदामध्ये सहभागी करून घेण्यासाठी कमिन्सनं केलेली कृती सध्या सर्वत्र कौतुकाचा विषय बनली आहे. होबार्टमधील शेवटची टेस्ट तीन दिवसांमध्ये जिंकल्यानंतर ऑस्ट्रेलियन टीम आनंदामध्ये बुडाली होती. त्यावेळी टीममधील खेळाडू शँपेन उडवत होते. त्यामुळे ख्वाजा स्टेज सोडून टीमपासून थोडा लांब उभा होता.
Pat Cummins realizing that Khawaja had to stand away because of the alcohol so he tells his team to put it away and calls Khawaja back immediately. A very small but a very beautiful gesture❤️pic.twitter.com/KlRWLprbWM
— Kanav Bali🏏 (@Concussion__Sub) January 16, 2022
ख्वाजा हा ऑस्ट्रेलियन टीममधील मुस्लीम खेळाडू आहे. धार्मिक कारणांमुळे तो दारूपासून दूर असतो. या कारणामुळे तो टीम आनंद साजरा करत असतानाही एकटा लांब होता. ऑस्ट्रेलियन कॅप्टनचं त्याच्याकडे लक्ष गेलं. त्याने तातडीने टीममधील खेळाडूंना शँपेन उडवणे थांबवण्यास सांगितले. त्यामुळे ख्वाजालाही सर्वांमध्ये सहभागी होता आले. मार्नस लाबुशेननं ख्वाजाला स्टेजवर बोलावले. या घटनेचा व्हिडीओ सध्या सोशल मीडियावर व्हायरल होत आहे. जडेजानंतर सूर्या आणि इशान किशन Pushpa च्या गाण्यावर थिरकले, पाहा VIDEO त्यापूर्वी ऑस्ट्रेलियाने होबार्टमध्ये झालेली या मालिकेतील पाचवी आणि शेवटची टेस्ट 146 रनने जिंकली. इंग्लंडला ही मॅच जिंकण्यासाठी 271 रनचे आव्हान होते. त्यांची संपूर्ण टीम 124 रनवरच ऑल आऊट झाली. पहिल्या इनिंगमध्ये शतक झळकावणाऱ्या ट्रॅव्हिस हेडला ‘मॅन ऑफ द मॅच’ आणि ‘प्लेअर ऑफ द सिरीज’ पुरस्कार मिळाला.
+6
फोटो
