RamNavami: श्रीरामाचे थेट वंशज आजही जिवंत आहेत? देशातील या राजघराण्यांचा रघुवंशाशी संबंध

नवी दिल्ली, 31 मार्च : रामनवमीला देश राममय झाला होता. कोणीही राम नावापासून अस्पर्श राहू शकत नाही. राम आपल्या सर्वांच्या जीवनात खोलवर विराजमान आहेत. रामाचे राज्य आणि प्रशासन हे एक मॉडेल मानले गेले. श्रीराम हे रघु वंशाचे होते. या वंशाची मुळे इक्ष्वाकू आणि विवस्वान (सूर्य) यांच्याशी जोडलेली आहेत. श्रीरामानंतर लव आणि कुश यांनी हा वंश पुढे नेला. आता रामाचे थेट वंशज कुठे आहेत? ते आजही आहेत का? कोण आहेत ते लोक जे स्वतःला त्यांचे वंशज मानतात.

रामाने दक्षिण कौशल, कुशस्थळी (कुशावती) आणि अयोध्या राज्य कुशला आणि पंजाब लवकडे दिले. लवने लाहोरला राजधानी बनवलं. भरतपुत्र तक्षला तक्षशिलेत आणि पुष्करला पुष्करवती (पेशावर) येथे राज्य मिळाले. हिमाचलवर लक्ष्मणाच्या मुलांचे राज्य होते. शत्रुघ्नचा मुलगा सुबाहू याला मथुरेत आणि त्याचा दुसरा मुलगा शत्रुघतीला भेलसा (विदिशा) च्या गादीवर बसवण्यात आले.

कोणत्या वंशाची सुरुवात लवपासून झाली -

लवपासून राघव राजपूतांचा जन्म झाला, ज्यामध्ये बडगुजर, जयास आणि सिकरवार यांचे वंशज चालू राहिले. तिची दुसरी शाखा सिसोदिया राजपूत होती, ज्यामध्ये बैचला (बैसला) आणि गेहलोत (गुहिल) वंश राजे झाले. कुशवाह राजपूतांचा वंश कुशपासून सुरू झाला.

कुश वंशातून कोण -

कुशवाह, मौर्य, सैनी, शाक्य पंथांची स्थापना कुश वंशातून झाली, असे मानले जाते. कुशकडूनच सूर्यवंशाची उत्पत्ती झाली. कुशची 50 वी पिढी शल्य हे महाभारत युद्धात कौरवांच्या बाजूने लढले होते. कुशचा काळ 6,500 ते 7,000 वर्षांपूर्वीचा मानला जातो. जे स्वतःला शाक्यवंशी म्हणवतात ते सुद्धा श्रीरामाचे वंशज मानले जातात.

हा दस्ताऐवज (रेकॉर्ड) जयपूरच्या सिटी पॅलेसमधील पोथीखानामध्ये ठेवण्यात आला आहे, ज्यामध्ये जयपूरच्या राजघराण्याचे नाव भगवान रामाचे पुत्र कुश यांच्या वंशावळीत नमूद केले आहे. त्यात जयपूरच्या माजी राजघराण्यातील महाराजांची नावे आहेत.

सिसोदिया, कचवाह, बैसला, शाक्य राम यांचे वंशज

सध्या सिसोदिया, कुशवाह (कच्छवाह), मौर्य, शाक्य, बैचला (बैसला) आणि गेहलोत (गुहिल) इत्यादी राजपूत राजवंश हे भगवान श्रीरामांचे वंशज असल्याचे मानले जाते.

जयपूरचे राजघराणे हे रामाचे वंशज -

जयपूर राजघराणे हे रामाचे वंशज आहे. जयपूर राजघराण्यातील राणी पद्मिनी आणि कुटुंबातील सदस्य हे रामाचा पुत्र कुशचे वंशज आहेत. काही दिवसांपूर्वी महाराणी पद्मिनी यांनी एका टीव्ही वाहिनीला दिलेल्या मुलाखतीत सांगितले होते की, त्यांचे पती भवानीसिंह हे कुशचे 307 वे वंशज आहेत.

या कुटुंबाबद्दल सांगायचे तर महाराज मानसिंग द्वितीय यांनी तीन विवाह केले. पहिली पत्नी मरुधर कंवर, दुसरी पत्नी किशोर कंवर. तिसरी पत्नी महाराणी गायत्रीदेवी होती. मानसिंग आणि त्यांच्या पहिल्या पत्नीपासून जन्मलेल्या मुलाचे नाव भवानी सिंह होते. त्यांचा विवाह राजकुमारी पद्मिनीशी झाला होता. दोघांनाही मुलगा नाही. एक मुलगी आहे, तिचे नाव दिया आहे, तिचे लग्न नरेंद्र सिंग यांच्याशी झाले आहे. दिया सुद्धा राजकारणात आहे. त्यांना पद्मनाभ सिंह आणि लक्ष्यराज सिंह ही दोन मुले आहेत.

त्यावेळी जयपूर राजघराण्याने पुरावे सादर केले होते -

अयोध्येतील राम मंदिराबाबत न्यायालयात सुनावणी सुरू असताना जयपूर राजघराण्याचे माजी महाराज भवानी सिंह यांची कन्या दिया कुमारी हिने सार्वजनिकपणे काही पुरावे सादर केले, ज्यावरून हे राजघराणे रामाचे मोठे पुत्र कुशचे वंशज असल्याचे दिसून येते. ते कच्छवाह किंवा कुशवाह घराण्याचे वंशज असावेत.

हे वाचा - मंदोदरीला सीतेची माता का म्हटले जाते? या धार्मिक ग्रथांमध्ये सांगितलंय रहस्य

माजी राजकुमारी आणि राजसमंद येथील भाजपच्या विद्यमान खासदार दियाकुमारी यांनीही याचे अनेक पुरावे दिले. त्यांनी एक पत्र दाखवले, ज्यामध्ये भगवान श्रीरामांच्या वंशातील सर्व पूर्वजांची नावे क्रमाने सूचीबद्ध आहेत. यामध्ये 289 वे वंशज म्हणून सवाई जयसिंग आणि 307 वे वंशज म्हणून महाराजा भवानी सिंह यांचे नाव लिहिले आहे.

कुशच्या नावाने कुशवाह किंवा कच्छवाह वंश

प्रभु श्रीरामाचा थोरला मुलगा कुश याच्या नावावरून कच्छवाह वंशाला कुशवाह राजवंश असेही म्हणतात. त्याच्या वंशावळीनुसार, 62 वा वंशज राजा दशरथ, 63वा वंशज श्रीराम, 64वा वंशज कुश होता. 289 वे वंशज सवाई जयसिंग, ईश्वरी सिंग आणि सवाई माधोसिंग आणि आमेर-जयपूरचे पृथ्वीसिंग होते. भवानी सिंह हे 307 वे वंशज होते.

हे वाचा - हनुमानाला का म्हटलं जातं 'अष्टसिद्धी के दाता'; कोणत्या आहेत त्या आठ सिद्धी?

सिटी पॅलेस जयपूरच्या पोथीखानामध्ये असलेल्या 09 कागदपत्रे आणि 02 नकाशावरून हे सिद्ध होतं की, जयसिंगपुरा आणि अयोध्येचे रामजन्मस्थान सवाई जयसिंग-2 यांच्याशी संबधित होते. प्रसिद्ध इतिहासकार आर नाथ यांच्या "द जयसिंहपुरा ऑफ सवाई राजा जयसिंह अॅट अयोध्या" या पुस्तकाच्या परिशिष्ट-2 नुसार, जयपूरच्या कछवाह राजवंशाचा अयाध्येच्या रामजन्म स्थळ मंदिरावर अधिकार होता.