)
मुंबई, 9 जुलै: 1 जुलै रोजी मंगळ कर्क राशीतून सिंह राशीत गेला आहे. आता 18 ऑगस्टपर्यंत सिंह राशीत राहील. त्याच वेळी, कुंभ राशीमध्ये शनि आधीच उपस्थित आहे. आता हे दोन्ही शत्रू ग्रह समोरासमोर आले आहेत. त्यामुळे दोघांमध्ये अशुभ संसप्तक योग तयार होत आहे. ज्योतिषशास्त्रात याला विस्फोटक योग देखील म्हणतात. जो सुमारे 48 दिवस राहील. या अशुभ योगामुळे वाद, तणाव आणि खर्च वाढतील. काही लोकांच्या नोकरी आणि व्यवसायात नको असलेले बदल होण्याचीही शक्यता आहे.
अशुभ योगामुळे अडचणी वाढतील शनि-मंगळाच्या संयोगामुळे अनेक लोकांच्या अडचणी वाढू शकतात. मालमत्तेशी संबंधित नुकसान होऊ शकते. व्यवहार आणि गुंतवणुकीबाबत वाद होण्याची शक्यता आहे. अनेकांसाठी हा काळ तणावपूर्ण असेल. धनहानी आणि कर्ज वाढू शकते. आजार वाढतील. मात्र, या ग्रहांमुळे नवीन कारस्थान आणि योजनाही तयार होतील. राजकारणाशी संबंधित बदल होतील. शनि-मंगळाच्या संयोगाने नवीन सुरुवात करणे टाळावे. अन्यथा गुंतागुंत वाढू शकते. तुळशीच्या भांड्यात ही एक गोष्ट ठेवल्याने कधीही भासणार नाही पैशांची कमतरता
लष्कर आणि सुरक्षा दलांशी संबंधित महत्त्वाचे निर्णय होऊ शकतात. लोकांच्या मनात असंतोष निर्माण होईल. त्यामुळे अराजकता पसरू शकते. सरकारच्या विरोधात आंदोलन आणि निदर्शने वाढण्याची शक्यता आहे. देशाच्या सुरक्षेसाठी पैसा खर्च केला जाईल. आंतरराष्ट्रीय स्तरावरही तणाव असेल. सोन्या-चांदीच्या किमती वाढू शकतात.
पेट्रोल आणि डिझेलच्या किमतींबाबत मोठे निर्णय घेतले जाऊ शकतात. मालमत्तेची खरेदी-विक्री वाढेल. रिअल इस्टेट आणि उद्योगात तेजी येऊ शकते. मात्र, जमिनीच्या किमतीतही अचानक चढ-उतार होणार आहेत. कापूस आणि कपड्यांचे भावही वाढण्याची शक्यता आहे. कुंडलीत जर असं काही असल्याने होतात मृत्यूसमान वेदना, होतात हे गंभीर परिणाम हनुमानजींच्या उपासनेने अशुभ प्रभाव कमी होतो मंगळाचा अशुभ प्रभाव टाळण्यासाठी मध खाल्ल्यानंतर घरातून बाहेर पडावे. लाल चंदनाचा तिलक लावावा. हनुमानजींची लाल फुलांनी पूजा करा. सिंदूर लावा. मंगळवारी हनुमान मंदिरात तांब्याच्या भांड्यात धान्य दान करा. मातीच्या भांड्यात अन्न खावे. मसूर दान करा. पाण्यात थोडेसे लाल चंदन मिसळा आणि आंघोळ करा. या उपायांच्या मदतीने मंगळाचा अशुभ प्रभाव कमी करता येतो. (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
