गुरु-चंद्र युतीमुळे तयार होतोय गजकेसरी राजयोग, या राशींचे उजळणार भाग्य

मुंबई, 19 मार्च: ज्योतिषशास्त्रामध्ये ग्रहांच्या राशी बदलांचे आणि युतींचे परिणाम मोठ्या तपशीलाने स्पष्ट केले आहेत. यासोबतच ग्रहांच्या चाली बदलून अनेक शुभ आणि अशुभ योग तयार होतात, ज्याचा प्रभाव सर्वांवर पडतो. ज्योतिषीय गणनेनुसार 22 मार्च 2023 रोजी मीन राशीत देवगुरू बृहस्पति आणि चंद्राच्या युतीमुळे गजकेसरी राजयोग तयार होईल, ज्यामुळे सर्व राशींवर परिणाम होईल.

गजकेसरी राजयोग शुभ योगात गणला जातो. म्हणूनच गुरु-चंद्राच्या संयोगाने तयार झालेल्या गजकेसरी राजयोगाचा अनेक राशींवर शुभ प्रभाव पडेल, परंतु तीन राशी अशा आहेत की, त्यांना या काळात नशिबाची पूर्ण साथ मिळेल आणि प्रगतीचा मार्ग खुला होईल. चला जाणून घेऊया गजकेसरी राजयोगामुळे कोणत्या राशीच्या लोकांना जास्तीत जास्त फायदा होईल.

मीन

गुरू आणि चंद्र मीन राशीमध्ये संयुक्त आहेत, अशा स्थितीत या राशीवर या राजयोगाचा शुभ प्रभाव जास्तीत जास्त राहील. या काळात आत्मविश्वास वाढेल. आर्थिकदृष्ट्या सर्व समस्या दूर होतील आणि उत्पन्नाचे नवीन स्रोत उघडतील. व्यापार क्षेत्राशी संबंधित लोकांनाही या काळात लाभ मिळेल. नवीन काम सुरू करण्यासाठीही हा काळ अनुकूल आहे.

कर्क

कर्क राशीच्या लोकांवरही गजकेसरी राजयोगाचा शुभ प्रभाव राहील. या काळात परदेश प्रवासाचे संकेत आहेत. स्पर्धा परीक्षांची तयारी करणाऱ्या विद्यार्थ्यांसाठी हा काळ सर्वात महत्त्वाचा आहे. या काळात केलेल्या मेहनतीचे फळ चांगले मिळेल. सरकारी नोकरी मिळण्याचीही शक्यता आहे. रखडलेली कामेही पूर्ण होतील.

धनु

गुरु-चंद्र संयोगाचा शुभ प्रभाव धनु राशीच्या लोकांवरही जाणवेल. या काळात अचानक आर्थिक लाभ होण्याची चिन्हे असून व्यापार क्षेत्रातही नफा होऊ शकतो. जे लोक भाषणाशी संबंधित कार्यक्षेत्रात आहेत जसे की मीडिया, चित्रपट किंवा विपणन, त्यांनादेखील या काळात अधिक लाभ मिळतील आणि हा काळ तुमच्यासाठी आनंददायी सिद्ध होईल. नवीन कामेही हाती येऊ शकतात, जी फायदेशीर ठरतील.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)