पुण्यात मोठी कारवाई! साडे सात कोटींच्या बनावट नोटा जप्त, लष्करी अधिकाऱ्यासह 6 जण अटकेत

पुण्यात मोठी कारवाई! साडे सात कोटींच्या बनावट नोटा जप्त, लष्करी अधिकाऱ्यासह 6 जण अटकेत

येरवडा परिसरात संजय पार्कमध्ये डॉलरच्या बदलत्या बनावट नोटा देणाऱ्या टोळीचा पर्दाफाश केला आहे.

  • Share this:

पुणे, 10 जून: पुणे शहरातील उच्चभ्रु समजल्या जाणाऱ्या येरवडा परिसरात विमान नगरातील संजय पार्कमध्ये डॉलरच्या बदलत्या बनावट नोटा देणाऱ्या टोळीचा पर्दाफाश केला आहे. पोलिसांनी लष्करी अधिकाऱ्यासह 6 जणांना अटक केली आहे. आरोपींकडे सुमारे 10 कोटी रुपयांचा रोकड सापडली आहे. त्यात  7  कोटी 60 लाखांच्या बनावट नोटा आणि 2 लाख 80 हजारांची रोख रकमेचा समावेश आहे. रोकड पोलिसांनी जप्त केली आहे. आरोपीकडे परदेशी चलन आणि बनावट पिस्तूलही सापडलं आहे.

हेही वाचा... पुण्यात भीषण अपघात! भरधाव कार पडली विहिरीत, आईसह दोन चिमुरड्यांचा करुण अंत

पुणे पोलिसांचे खंडणी विरोधी पथक आणि भारतीय लष्कराने संयुक्त कारवाई केली आहे. सर्व आरोपींना पुढील चौकशीसाठी पुणे क्राईम ब्रॅंचच्या ताब्यात देण्यात आलं आहे. या प्रकरणी गुन्हा दाखल करण्याचं काम सुरू आहे. आरोपी डॉलरच्या बदलत्या बनावट नोटा देत असल्याची धक्कादायक माहिती समोर आली आहे.

पुण्याचे पोलिस उपायुक्त बच्चन सिंह यांनी सांगितले की, पुणे गुन्हे शाखेला मिळालेल्या गोपनिय माहितीच्या आधारे ही कारवाई करण्यात आली. या कारवाईत लष्कराची गुप्तचर यंत्रणेचेही पोलिसांना सहकार्य मिळालं. विमान नगर येथील संजय पार्कमध्ये पोलिसांनी छापा टाकून बनावट नोटांचे रॅकेट चालवणाऱ्या टोळीचा पर्दाफाश केला. या कारवाईत सुमारे 7 कोटी 60 लाखांच्या बनावट नोटा पोलिसांना जप्त केल्या आहेत. तसेच पोलिसांना परदेशी चलनही मोठ्या प्रमाणात सापडलं आहे. याप्रकरणी एका लष्करी अधिकाऱ्यासह सहा जणांना अटक करण्यात आली आहे. यात आंतरराष्ट्रीय टोळीचा सहभाग असण्याचा संशय पोलिसांनी व्यक्त केला आहे.

संकलन, संपादन- संदीप पारोळेकर 

First published: June 10, 2020, 7:20 PM IST

ताज्या बातम्या

corona virus btn
corona virus btn
Loading