बँकेच्या माजी अध्यक्षाच्या घरी ED सापडलं घबाड, 2 कोटींचे हिरे, 4 आलिशान कार आणि बरंच काही..

पिंपरी चिंचवड, 31 जानेवारी : पुण्यात पिंपरी चिंचवडमध्ये दि सेवा विकास बँकेचे माजी अध्यक्ष अमर मुलचंदानीच्या घरी ईडीने छापा टाकून 4 जणांना ताब्यात घेतले होते. या कारवाईमध्ये ईडीला भलेमोठे घबाड हाती लागले आहे. 2 कोटींचे हिरे आणि रोख रक्कम ईडीला सापडली आहे. तसंच 4 आलिशान कारही जप्त केल्या आहेत.

दोन दिवसांपूर्वी पिंपरी चिंचवडमध्ये ED कडून सुरू असलेल्या छापेमारी दरम्यान दि सेवा विकास बँकेचे माजी अध्यक्ष अमर मुलचंदानीसह त्यांच्या कुटुंबातील सहा सदस्यांविरोधात तपास कामात अडथला निर्माण करणे तसंच लपून बसून नियमबाह्य कर्ज प्रकरणातील पुरावे नष्ट केल्या प्रकरणी पिंपरी पोलीस स्टेशनमध्ये गुन्हे दाखल करण्यात आले होते. या कारवाई दरम्यान, मुलचंदानीच्या घरी ED ला मोठं घबाड सापडलं आहे.

(एक गैरसमज 2 वनअधिकाऱ्यांच्या जीवावर; खेडमधील ग्रामस्थांची वनरक्षकांना मारहाण)

सुमारे 2 कोटी रुपयांचे हिरे आणि सोन्याच्या दागिने बरोबरच लाखो रुपयांची रोख रक्कम सापडली आहे. त्याचं बरोबर 4 आलिशान कार सुद्धा जप्त केल्या असल्याची माहिती ed कडून देण्यात आली आहे. तर ईडीच्या सर्च ऑपरेशन सुरू असताना घरातच लपून बसलेल्या अमर मुचंदाणी याने मोबाईलमधील पुरावे नष्ट केले होते. त्यामुळे सरकारी कामात अडथळा आणल्या प्रकरणी ed कडून तक्रार देण्यात आल्यानंतर अमर मुलचंदाणी आणि त्याच्या कुटुंबातील 6 जणांविरुद्ध गुन्हे दाखल करण्यात आले पिंपरी पोलिसांनी त्यांना अटक केली आहे.

आत्तापर्यंत तीन जणांना अटक करण्यात आल्याची माहिती पिंपरी स्टेशनचे वरिष्ठ निरीक्षक शंकर अवताडे यांनी दिली आहे. तर मुख्य आरोपी अमर मुलचंदानी हे वैद्यकीय कारणास्तव ससूनमध्ये पोलिसांच्या निगराणीत उपचार घेत आहे. गुन्हे दाखल असलेल्या आरोपींमध्ये दोन महिलांचाही समावेश असल्याचंही पोलिसांकडून सांगण्यात आले आहे.

(कोळसा मंत्र्यांच्या नावाने 1 कोटीची खंडणी, नागपुरातील धक्कादायक प्रकारसमोर)

ईडीचे सहायक संचालक सुधांशू श्रीवास्तव यांनी स्वतः याप्रकरणी पिंपरी पोलीस ठाण्यात फिर्याद दिली. त्यानुसार

अशोक साधुराम मुलचंदानी, मनोहर साधुराम मुलचंदानी, सागर मनोहर मुलचंदानी तीन जणांना अटक करण्यात आली. छापेमारी दरम्यान ईडी अधिकाऱ्यांनी घरात प्रवेश केल्यावर सुमारे साडे आठ तास अमर मुलचंदाणी हा वरील मजल्याच्या खोलीत लपून बसला होता आणि अनेक पुरावे नष्ट केल्याचे ईडी अधिकाऱ्यांनी दिलेल्या फिर्यादीत नमूद केले आहे. या कारवाई दरम्यान मुलचंदाणी याच्या तीन आलिशान कार,आणि अनेक कागदपत्र ईडीने जप्त केल्याची माहितीही सूत्रांकडून मिळाली आहे.