शंभू-महादेवाच्या डोक्यावर चंद्र का असतो? सर्व देवतांनी केलेली 'ती' विनंती मान्य झाली

शंभू-महादेवाला बेलपत्र, भांग धतुरा, दुग्धाभिषेक इत्यादी खूप आवडतात. या सगळ्यामागे काही पौराणिक कथा सांगितल्या जातात. महादेवाच्या डोक्यावर चंद्र तुम्ही पाहिला असेल. यामागेही एक आख्यायिका आहे. (इमेज क्रेडिट: कॅनव्हा)

समुद्रमंथनाची कथाही तुम्हा सर्वांना माहिती असेलच. यादरम्यान हलहल नावाचे विष बाहेर आले. या जगाचे रक्षण व्हावे म्हणून देवाधिदेव महादेवाने त्याचे सेवन केले. विष प्राशन केल्यानंतर त्यांच्या घशात विष जमा झाले होते, त्यामुळे त्यांना नीलकंठ असेही संबोधले जात होते. (इमेज क्रेडिट: कॅनव्हा)

पौराणिक मान्यतेनुसार, विष प्यायल्याने भगवान भोलेनाथांचे शरीर खूप गरम होऊ लागले. त्यामुळे त्यांना थंडावा देण्याची नितांत गरज होती. विषामुळे त्यांचे संपूर्ण शरीर उग्र होऊ लागले. तेव्हा चंद्राबरोबरच इतर देवांनी त्यांना शीतलतेसाठी डोक्यावर चंद्र धारण करण्यास सांगितले. (इमेज क्रेडिट: कॅनव्हा)

देवतांच्या प्रार्थनेवर भगवान महादेवांनी त्यांच्या डोक्यावर चंद्र ठेवला, त्यामुळे त्यांचे शरीर थंड राहते. श्वेत चंद्र खूप शीतल मानला जातो. चंद्राकडून संपूर्ण विश्वाला शीतलता प्रदान होते. या कारणास्तव शंकराने त्याला डोक्यावर बसवले. (इमेज क्रेडिट: कॅनव्हा)

समुद्रमंथनापासून शंकराच्या मस्तकावर चंद्र शोभतो. चंद्र हा शिवाचा अलंकार मानला जातो. भगवान भोलेनाथांची भक्ती अगदी साधी आहे. जो कोणी भक्त त्यांचे खऱ्या अंत:करणाने स्मरण करून त्यांची पूजा करतो, महादेव त्यांची प्रत्येक इच्छा पूर्ण करतात. विशेषत: सोमवारचा उपवास करून नियमानुसार भगवान शंकराची पूजा केल्यानं त्या भक्तावर महादेवाची कृपा राहते, अशी पौराणिक मान्यता आहे. पूजेत शंकराचा जलाभिषेक आणि दुग्धाभिषेक झाल्यावर भांग, धतुरा इत्यादी त्यांच्या आवडत्या पदार्थांचा नैवेद्य दाखवावा.(प्रतिमा: कॅनव्हा) (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)