Railway News: भारतीय रेल्वेने वाढवली ट्रेनची संख्या, जाणून घ्या काय आहे कारण!

रेल्वेने गाड्यांची संख्या वाढवली आहे. कोरोनापूर्वीच्या तुलनेत ट्रेनमधून प्रवास करणाऱ्या प्रवाशांची संख्याही वाढली आहे. प्रवाशांची वाढती गर्दी लक्षात घेता रेल्वेने सोयीसाठी गाड्यांची संख्या वाढवली आहे. कोरोनापूर्वीच्या तुलनेत सुमारे पाच टक्के जास्त गाड्या धावत आहेत.

रेल्वे मंत्रालयाच्या म्हणण्यानुसार, कोरोनानंतर हळूहळू गाड्यांची संख्या वाढवण्यात आली आहे. सध्या 10723 गाड्या चालवल्या जात आहेत, तर कोरोनापूर्वी 10196 ट्रेन चालत होत्या. त्यात वंदे भारत, शताब्दी, राजधानी, तेजस, हमसफर, दुरंतो, मेल, एक्स्प्रेस आणि पॅसेंजर गाड्यांचाही समावेश आहे.

रेल्वेच्या म्हणण्यानुसार, प्रवाशांची संख्या लक्षात घेऊन सर्व वर्गांच्या गाड्यांची संख्या वाढवण्यात आली आहे.

त्याचप्रमाणे कोरोनापूर्वी वंदे भारत, शताब्दी, राजधानी, तेजस, गतिमान, हमसफर आणि दुरांतो या प्रीमियम ट्रेनसह 1768 ट्रेन धावत होत्या. कोरोनानंतर या गाड्यांची वेटिंग वाढू लागली, त्यानंतर रेल्वेतील प्रीमियम गाड्यांची संख्याही वाढली. सध्या 2088 गाड्या धावत आहेत.

सबअर्बन ट्रेनमध्येही प्रवाशांची संख्या वाढली आहे. या गाड्यांची संख्याही वाढवण्यात आली आहे. जिथे कोरोनापूर्वी 5626 सबअर्बन ट्रेन धावत होत्या, आता तिथे 5726 गाड्या धावत आहेत. अशा प्रकारे, कोरोनापूर्वीच्या तुलनेत गाड्यांची संख्या पाच टक्क्यांनी वाढली आहे.