फ्लाइटमध्ये प्रवास करताना करु नका 'या' चुका, अन्यथा...

विमानात प्रवास करताना एयरलाइंस आणि नागरी विमान वाहतूक महासंचालनालयाने तयार केलेल्या नियमांचे पालन करणे आवश्यक आहे. अलीकडेच एअर इंडियाच्या विमानात एकाने सह प्रवाशाच्या अंगावर लघवी केल्याचा प्रकार घडल्याने आता हवाई प्रवासासाठी केलेल्या नियमांचे काटेकोर पालन करण्याची मागणी जोर धरू लागली आहे. क्रेडिट कार्डने रेंट भरता? मग ही माहिती असायलाच हवी

त्यामुळे विमानातून प्रवास करत असाल तर काही नियमांचे पालन करणे आवश्यक असते. तसेच योग्य वर्तन करणे गरजेचे असते. नियम मोडल्यास तुमचे नाव नो फ्लाय लिस्टमध्ये देखील येऊ शकते. जर तुमचे नाव यामध्ये आले तर तुम्हाला दोन वर्षांसाठी फ्लाइटमध्ये प्रवास करण्यास बंदी घातली जाऊ शकते.

नागरी उड्डयन मंत्रालयाच्या म्हणण्यानुसार, 2022 मध्ये विमानात नियमांविरुद्ध वागणाऱ्या 63 प्रवाशांची नावे नो-फ्लाय लिस्टमध्ये टाकण्यात आली आहेत. त्याच वेळी, 2023 मध्ये, या यादीत आतापर्यंत 3 प्रवाशांची नावे आली आहेत. एअर इंडियाच्या फ्लाइटमध्ये महिला सहप्रवाशावर लघवी केल्याचा आरोप असलेल्या प्रवाशाचे नावही या यादीत आहे. DGCA नो फ्लाय लिस्टकडे लक्ष देते. डीजीसीएने अनुचित वर्तन हा गुन्हा आणि दंडनीय कृत्य मानले आहे.दरमहा 18 हजारांहून जास्त उत्पन्न देणारी 'ही' स्किम होणार बंद, 1 एप्रिलपूर्वी घ्या लाभ

2017 मध्ये केंद्र सरकारने नो फ्लाय लिस्टसाठी मार्गदर्शक तत्त्वे जारी केली. जे प्रवासी विमान प्रवासादरम्यान सहप्रवाशांना शारीरिक, शाब्दिक किंवा इतर कोणत्याही आक्षेपार्ह वर्तनामुळे त्रास देतात किंवा प्रवासात अडथळा निर्माण करण्याचा प्रयत्न करतात, त्यांना नो फ्लाय लिस्टमध्ये टाकले जाते. प्रवाशाने तक्रार केल्यानंतर त्याला तपासानंतरच नो-फ्लाय लिस्टमध्ये टाकले जाते.

असभ्य वर्तनामध्ये सह-प्रवाशाला त्रास देणे, क्रू मेंबरशी भांडणे, अनादरपूर्ण वागणूक, सुरक्षा नियमांचे पालन न करणे, फ्लाइटमध्ये अडथळा आणणे आणि फ्लाइट ऑपरेशनमध्ये कोणतीही बाधा उत्पन्न करणे अशा कृत्यांचा समावेश आहे.

अयोग्य वर्तन 3 श्रेणींमध्ये ठेवले आहे. स्तर 1 शाब्दिक गैरवर्तनामुळे तीन महिन्यांपर्यंत बंदी येऊ शकते. शारीरिकदृष्ट्या अयोग्य वर्तन दुसऱ्या श्रेणीत ठेवण्यात आले आहे. या श्रेणीत दोषी आढळलेल्या प्रवाशाला 6 महिन्यांपर्यंत बंदी घातली जाऊ शकते. तिसरी श्रेणी म्हणजे जीवेमारण्याच्या धमकीविषयी आहे. यातील दोषींना किमान दोन वर्षांसाठी नो-फ्लाय लिस्टमध्ये टाकले जाऊ शकते.