प्राजक्ता गायकवाडने सोडलं 'शिवपुत्र संभाजी' नाटक; आता 'ही' अभिनेत्री साकारणार येसूबाई

स्वराज्य रक्षक संभाजी या मालिकेतून लोकप्रियता मिळवलेली अभिनेत्री म्हणजे प्राजक्ता गायकवाड.

संभाजी महाराजांची पत्नी म्हणजेच महाराणी येसूबाईंची भूमिका प्राजक्तानं मालिकेत साकारली होती.

येसूबाईंच्या भूमिकेमुळे प्राजक्ताला नवी ओळख मिळाली.

मालिका संपल्यानंतर शिवपुत्र संभाजी या महानाट्यात प्राजक्ता पुन्हा एकदा येसूबाईंच्या भूमिकेत दिसली.

शिवपुत्र संभाजी या महानाट्याचे प्रयोग संपूर्ण महाराष्ट्रात सध्या सुरू आहेत. महानाट्याला प्रेक्षकांचा उदंड प्रतिसाद मिळत आहे.

अशातच प्राजक्ता गायवाडच्या चाहत्यांसाठी वाईट बातमी समोर आली आहे.

अभिनेत्री प्राजक्ता गायकवाडनं शिवपुत्र संभाजी या महानाट्याला रामराम ठोकला आहे.

प्राजक्ता ऐवजी आता बिग बॉस फेम अभिनेत्री स्नेहलता वसईकर ही येसूबाईंच्या भूमिकेत दिसणार आहे.

महानाट्याचा पुण्यातील एका प्रयोगात येसूबाईंच्या भूमिकेत स्नेहलता एंट्री देखील झाली आहे.

स्नेहलतानं या आधी स्वराज्य रक्षक संभाजी मालिकेत सोयराबाईंची भूमिका साकारली होती.

सोयरा बाईंनंतर स्नेहलता आता येसूबाईंच्या भूमिकेत दिसणार आहे.

अभिनेत्री प्राजक्ता गायकवाडनं येसूबाईंची भूमिका का सोडली याचं कारण अद्याप समोर आलेलं नाही.

पण मागील काही महिन्यांपासून प्राजक्ताचे तलवारबाजी करतानाचे व्हिडीओ समोर आलेत. यावरून ती तिच्या नव्या प्रोजेक्टमध्ये बिझी असल्यानं तिनं येसूबाईंची भूमिका सोडल्याचं म्हटलं जात आहे.