अभिनेत्री Taapsee Pannu या वर्षी राहिली व्यस्त; 2022 मध्ये हे 4 चित्रपट होणार रिलीज, पाहा PHOTOS

2021 हे वर्ष तापसी पन्नूसाठी खूप खास होते. या वर्षी तिचे 'हसीन दिलरुबा', 'एनाबेले सेतुपती' आणि 'रश्मी रॉकेट' हे तीन चित्रपट आले होते. तिन्ही चित्रपटांमुळे ती खूप चर्चेत होती. हे चित्रपट ओटीटीवर प्रदर्शित झाले होते.

फर्स्टपोस्टला दिलेल्या मुलाखतीत तापसी पन्नूने तिच्या वर्षभराची स्थिती सांगितली होती. ती म्हणाली की, "हे वर्ष जगण्याचं आहे. आम्ही आधीच 2020 मध्ये अचानक आलेल्या कोरोना महामारीशी झुंज देत आहोत, त्यामुळे 2021 हा आम्हा सर्वांसाठी मोठा धक्का होता."

तापसी पन्नू म्हणाली, 'मला वाटलं होतं की, जर मी वर्षभर कसे तरी पार पाडू शकले तर मी बरी होईल. माझी सर्व शक्ती एक ना एक प्रकारे वर्ष पार करण्यात खर्ची पडली. म्हणून मी या वर्षी माझ्यासाठी एक बेंचमार्क सेट केला होता जो मी पूर्ण नाही करू शकले'.

यावर्षी रिलीज झालेल्या 'हसीन दिलरुबा' आणि 'रश्मी रॉकेट' बद्दलही तापसी पन्नू बोलली. ती म्हणाली की, 'मला वाटतं माझ्या प्रत्येक चित्रपटाला समर्थक आणि विरोधक आहेत. माझा एकही चित्रपट आठवत नाही जो प्रत्येकाला आवडला किंवा नापसंत झाला'.

तापसी म्हणाली की, 'सर्वच चित्रपटांसाठी असेच नाही का? चित्रपटाच्या चांगल्या गोष्टी पाहणारे लोक असतील आणि इतर दोषांवर लक्ष केंद्रित करणारे लोक असतील. चांगले किंवा वाईट, ही व्यक्तिनिष्ठ गोष्ट आहे.

तापसी पुढे म्हणाली, मी ट्रेन्ड प्रोटेस्टर्सचं मत गांभीर्याने घेत नाही. ज्यांनी राजकीय किंवा सांस्कृतिक किंवा सवयीने दुखावण्याची आपली सवय बनवली आहे. माझ्यासाठी खरा प्रेक्षक महत्त्वाचा आहे. मी माझ्या चित्रपटावर लोकांचं मत विचारत नाही.

तापसी पन्नू पुढे बोलताना म्हणाली, त्यांना काय वाटते ते सांगण्याची मी वाट पाहते. जेव्हा मी बाहेर जेवायला जाते, आणि लोक माझ्याकडे येतात, त्यांना माझा चित्रपट आवडला की नाही हे पाहण्यासाठी. माझ्यासाठी हीच खरी प्रेक्षकांची प्रतिक्रिया असते.

तापसी पन्नू देखील यावर्षी निर्माती बनली आहे. त्याबद्दल ती म्हणाली, होय, मी 'ब्लर' या चित्रपटाद्वारे निर्मितीच्या जगात प्रवेश केला आहे. यामध्ये मी मुख्य भूमिकेत आहे. मला माझ्या प्रॉडक्शन प्लॅनिंगवर अधिक विचार करायला आवडतो. माझ्या अभिनय कारकिर्दीप्रमाणेच मी निर्माता बनण्याचा निर्धार केला होता. निर्माता म्हणून मी माझ्या नव्या भूमिकेचा आनंद घेत आहे.

तापसी पन्नूने पुढील वर्षी तिच्या आगामी चित्रपटांबद्दलही सांगितलं आहे. माझ्याकडे चार चित्रपट तयार आहेत, पण ते कोणत्या क्रमाने प्रदर्शित होतील हे मला माहीत नाही. 'लूप लपेटा', 'शाबाश मिठू', 'दोबारा' आणि 'ब्लर' हे चित्रपट आहेत. मी आणखी एक प्रोजेक्ट 'वो लड़की है कहाँ' करत आहे. हे सर्व 2022 मध्ये रिलीज व्हायला हवे. असं ती म्हणाली.

मला आशा आहे की 2022 हे वर्ष अधिक चांगलं असेल. लॉकडाऊनमुळे गेली दोन वर्षे मी व्यस्त होते. मी स्वतःसाठी आणि माझ्या कुटुंबासाठी वेळ काढण्याचा प्रयत्न करत केला. मला आशा आहे की 2022 अधिक शांततापूर्ण असेल. आणि आशा आहे की 2022 मध्ये कोणताही धक्कादायक लॉकडाऊन होणार नाही. असं तापसी म्हणाली.