Ankita Lokhande Haldi Kunku : लग्नानंतरही मराठी पंरपरा सांभाळतेय अंकिता लोखंडे; दणक्यात साजरं केलं हळदी कुंकू

पवित्र रिश्ता या टेलिव्हिजन मालिकेतून प्रेक्षकांच्या मनावर राज्य करणारी अभिनेत्री अंकिता लोखंडेनं नुकतंच हळदी कुंकू साजरं केलं आहे.

अंकितानं 14 डिसेंबर 2021 रोजी बॉयफ्रेंड विक्की जैनबरोबर लग्न केलं.

लग्नानंतरची अंकिताची ही दुसरी मकरसंक्रांत आणि हळदीकुंकू आहे.

पहिल्या वर्षी लग्नानंतर अंकिताच्या पायाला दुखापत झाली होती. त्यामुळे तिला हळदी कुंकू करता आलं नव्हतं.

यंदाचं हळदी कुंकू आणि मकर संक्रांत मात्र अंकितानं मोठ्या दणक्यात साजरी केली.

मराठमोळी काळी नऊवारी साडी, हलव्याचे दागिने घालून अंकिता सुंदर नटली होती.

अंकिताच्या हळदी कुंकवाच्या निमित्तानं 14 वर्षांनी पवित्र रिश्ताची स्टारकास्ट पुन्हा एकत्र पाहायला मिळाली.

अभिनेत्री प्रिया मराठेनं अंकिताच्या हळदी कुंकवाचे फोटो शेअर केलेत.

पवित्र रिश्ताची सगळी टीम पुन्हा एकत्र पाहून चाहत्यांनी आनंद व्यक्त केलाय.

अंकिता लग्न करून जैन यांच्या घरच्या सून झाली असली तरी लोखंडेंच्या घरच्या अस्सल मराठमोळ्या प्रथा परंपरा ती प्रामुख्यानं जपतानं दिसतेय.

अंकितानं हळदी कुंकवाला आलेल्या प्रत्येकीला बसवून त्यांना स्वत:च्या हातानं हळदी कुंकवाचा मान दिला. अंकिताला हळदी कुंकू लावताना पाहून चाहत्यांनी तिनं कौतुक केलंय.

हिंदी टेलिव्हिजनच्या अनेक कलाकारांना अंकितानं हळदी कुंकवाचं आमंत्रण दिलं होतं.

अंकिताची स्पेशल मैत्रीण मराठमोळी अभिनेत्री अभिज्ञा भावेनं देखील हजेरी लावली होती.

अंकिताच्या हळदी कुंकवाचे फोटो सोशल मीडियावर व्हायरल होत असून फोटोंना पसंती मिळतेय.