)
मुंबई, 19 जुलै : काही झाडे-वनस्पतींना हिंदू धर्मात अतिशय पवित्र मानलं जातं आणि त्यांची पूजा केली जाते. पिंपळ हे त्यापैकीच एक झाड आहे. हिंदू धर्मात असे मानले जाते की, पिंपळाच्या झाडाची पूजा केल्यानं जीवनात सुख, शांती आणि समृद्धी येते. हिंदू धर्मात पिंपळाच्या झाडाची पूजा करून प्रदक्षिणा घालण्याचा विधी आहे. परिक्रमा म्हणजे डाव्या बाजूने एखाद्याच्या भोवती फिरणे. याला “परिक्रमा” असे म्हणतात. जो “षोडशोपचार पूजा” चा एक भाग मानला जातो. हिंदू धर्मात मंदिरे, तीर्थक्षेत्रे, देवता, नद्या, झाडे इत्यादींची परिक्रमा करण्याचे वेगळे महत्त्व स्पष्ट केले आहे. ज्योतिषी आणि वास्तु तज्ज्ञ पंडित हितेंद्रकुमार शर्मा यांनी पिंपळाच्या परिक्रमेचे फायदे सांगितले आहेत. उत्तम आरोग्यासाठी - शास्त्रज्ञांनी हे सिद्ध केलं आहे की, पिंपळाच्या झाडापासून भरपूर ऑक्सिजन मिळतो. या संदर्भात हे झाड मानवी जीवनासाठी अत्यंत आवश्यक आहे. हिंदू धार्मिक पुराणांमध्येही पिपळाचे झाड सामान्य झाडांपेक्षा खूप वेगळे असल्याचा उल्लेख आहे. पिंपळाच्या झाडामध्ये सर्व प्रकारच्या देवदेवता वास करतात, अशी हिंदूंची श्रद्धा आहे. घरातील कोणत्याही व्यक्तीची तब्येत ठीक नसेल तर शक्य असल्यास पिंपळाच्या झाडाची 108 वेळा प्रदक्षिणा करावी. या दरम्यान “ओम नमः शिवाय” या मंत्राचा जप करावा. असे केल्याने शरीरात वात, पित्त आणि कफ यांचे संतुलन राहते, अशी धार्मिक श्रद्धा आहे.
मनाच्या शांतीसाठी - पिंपळाच्या झाडाची प्रदक्षिणा केल्याने मानसिक शांती मिळते, असे मानले जाते. हिंदू धर्मातील 7 ऋषींपैकी एक महर्षी शौनक यांनीही पिंपळाच्या झाडाची परिक्रमा अत्यंत महत्त्वाची असल्याचे वर्णन केले आहे. मंगळ मुहूर्तावर पहाटे तीन किंवा सात वेळा पिंपळाच्या झाडाची प्रदक्षिणा केल्यास मन शांत राहते आणि वाईट विचार येत नाहीत. रोज पिंपळाच्या झाडाची परिक्रमा केल्यास आर्थिक संकट टळते, असेही मानले जाते. या जन्मतारखांची जोडी प्युअर आणि निष्ठावान पार्टनर ठरते, आनंदी जीवन जगतात शनीचा प्रकोप कमी करण्यासाठी - हिंदू धर्मातील देवी-देवतांपैकी एक असलेले शनिदेव जर एखाद्यावर प्रसन्न झाले तर त्याला नशिबाचे चांगली साथ मिळते आणि शनिदेव जर कोणावर कोपले तर अशा व्यक्तीचं कोणतंच काम नीट होत नाही. अशा परिस्थितीत एखाद्या व्यक्तीच्या कुंडलीत शनिदोष असेल तर. त्यामुळे शनिदोषाच्या त्रासापासून मुक्ती मिळवण्यासाठी प्रत्येक शनिवारी आणि अमावस्येच्या दिवशी पिंपळाच्या झाडाची सात वेळा प्रदक्षिणा करावी. यासोबत मोहरीच्या तेलाचा दिवाही लावावा. असे केल्याने शनीचा प्रकोप हळूहळू संपतो, असे मानले जाते. घरात पितृदोष असेल तर असे संकेत वारंवार दिसतात; सोमवती अमावस्येला करा हे उपाय (सूचना : येथे दिलेली माहिती ज्योतिषीय ज्ञानावर आधारित आहे. याला शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
