Pro Kabaddi League-2021: पटना पायरेटसने हरयाणा स्टीलर्सवर अवघ्या तीन गुणांनी विजय मिळवला

Pro Kabaddi League 2021 LIVE UPDATES: प्रो कबड्डील लीगच्या (Pro Kabaddi League) आठव्या सिझनला जोरदार सुरुवात झाली आहे. काल, Bengaluru Bulls आणि U Mumba मध्ये पहिला सामना रंगला होता. आज (गुरुवार) लीगमध्ये तीन सामने होणार आहेत. यामधील पहिला सामना गुजरात जायंट्स(gujarat giants ) विरुद्ध जयपूर पिंक पँथर्स (pink penthers) होणार आहे. प्रो कबड्डी लीगमधील (Pro Kabaddi League) गेल्या वर्षी कोरोनामुळे ही स्पर्धा झाली नाही. यंदा स्पर्धेतील सर्व सामने हे बंगळुरूमध्ये होणार आहेत. कोरोनाचा धोका लक्षात घेऊन हा निर्णय घेण्यात आला आहे. जयपूरच्या संघाने एकदा प्रो कबड्डीचे विजेतेपद पटकावले असले तरी गेल्या 6 हंगामात फ्लॉप ठरला आहे. त्याच वेळी, गुजरात जायंट्स गेल्या 3 हंगामात जबरदस्त कामगिरी करूनही विजेतेपद मिळवण्यात अपयशी ठरला आहे. दोन्ही संघांमध्ये आतापर्यंत 6 सामने झाले आहेत. यातील गुजरातने 3 तर जयपूरने 2 सामने जिंकले आहेत. एक सामना अनिर्णित राहिला आहे. बॉलीवूड अभिनेता अभिषेक बच्चनचा हा संघ प्रो कबड्डीच्या पहिल्या सत्रात विजेता ठरला. मात्र यानंतर संघाने पुढील 6 मोसमात विजयापेक्षा जास्त पराभव पत्करला आहे. प्रो कबड्डीमधील संघाची एकूण कामगिरी अशी आहे. एकूण  126 सामने खेळले आहेत. तर 54 सामन्या विजय मिळवला आहे तर 61 सामन्यात पराभव स्विकाराव लागला आहे. आणि 11 सामने अनिर्णीत आहेत. प्रो कबड्डीच्या पाचव्या हंगामात गुजरातची एंट्री झाली आहे. या संघाने आतापर्यंतच्या तीन मोसमात दमदार खेळ दाखवला आहे. हा संघ टॅकलमध्ये मास्टर आहे. संघाच्या 45% टॅकल यशस्वी आहेत. आत्तापर्यत या संघाने 71 सामने खेळले आहेत. त्यामधील 41 सामन्यात विजय  मिळवला आहे. तर 23 सामन्यात पराभव स्विकारावा लागला आहे. मॅचचा कालावधी किती? एका मॅचचा कालावधी 40 मिनिटांचा असतो. 20-20 मिनिटांच्या दोन हाफमध्ये मॅचची विभागणी होते. हाफ टाईममध्ये 5 मिनिटांचा ब्रेक दिला जातो. या ब्रेकनंतर दोन्ही टीमची साईड बदलते. स्कोअरिंग पद्धत काय आहे? विरोधी टीमचा प्रत्येक खेळाडू आऊट केल्यानंतर एक पॉईंट मिळतो. ऑल आऊट केल्यानंतर 2 बोनस पॉईंटची कमाई होते.  3 किंवा कमी खेळाडू असताना रेडरला आऊट केल्यास  डिफेंडिंग टीमला बोनस पॉईंट दिला जातो. टाईम आऊट कधी? मॅचच्या दरम्यान दोन्ही टीम 90 सेकंदाचा टाईम आऊट घेऊ शकतात. टाईम आऊट हा कोच, कॅप्टन किंवा कोणताही खेळाडू रेफ्रीच्या परवानगीने घेऊ शकतो. त्यावेळी मॅच थांबवली जाते. त्यानंततर पुन्हा जिथं मॅच थांबली आहे त्याच ठिकाणी ती पुन्हा सुरू होते. एखादा खेळाडू जखमी झाला तर मॅच रेफ्री किंवा ऑफिशियल टाईम आऊट घेतात. हा टाईम आऊट दोन्ही टीमच्या टाईम आऊटपेक्षा वेगळा असतो.

• Follow us on