)
कल्याण, 03 ऑक्टोबर : उंच इमारतींमध्ये आग लागल्याच्या घटनेमुळे बचावकार्य करण्याबाबत नेहमी प्रश्नचिन्ह निर्माण होत असतात. अशातच कल्याणमध्ये एका इमारतीला आग लागली होती. यावेळी आगीपासून वाचण्यासाठी चक्क साडीचा वापर करण्यात आला. या घटनेचा व्हिडीओ व्हायरल झाला आहे. कल्याण पश्चिममध्ये खडकपाडा भागातील इमारतीला आग लागली होती. मोहन अल्टीजा असे इमारतीचे नाव आहे. या इमारतीच्या तिसऱ्या मजल्यावर आग लागली होती. आग लागल्यामुळे इमारतीमध्ये एकच खळबळ उडाली होती. रहिवाशांनी तातडीने याची माहिती अग्निशमन दलाच्या जवानांना दिली. अग्निशमन दलाच्या गाड्यांनी लगेच घटनास्थळाकडे धाव घेतली.
कल्याणमध्ये इमारतीला आग लागल्यानंतर रहिवाशांनी साडीच्या मदतीने वाचवला जीव pic.twitter.com/zvNE3z5Jpm
— News18Lokmat (@News18lokmat) October 3, 2022
तिसऱ्या मजल्यावर आग लागल्यामुळे फ्लॅटमधील रहिवाशांनी बाल्कनीतून दुसऱ्या फ्लॅटमध्ये साडीच्या मदतीने जाऊन आपला जीव वाचवला. बाल्कनीमध्ये साडीच्या मदतीने एक एक करून खाली उतरले. यामध्ये महिला आणि लहान मुलांना सुद्धा एकमेकांची मदत घेऊन खाली उतरवण्यात आलं. हा सगळा प्रकार मोबाईलच्या कॅमेऱ्यात कैद झाला आहे.
(बीड: 2 वर्षाच्या मुलाला विहिरीजवळ घेऊन गेली आई; दुसऱ्याच क्षणी भयानक घटना )
अग्निशमन दलाच्या गाड्या घटनास्थळी दाखल झाल्यानंतर आगीवर नियंत्रण मिळवण्यात आले. पण तोपर्यंत रहिवाशांनी आपल्या जीव वाचवला. अग्निशमन दलाच्या जवानांनी काही तासांमध्ये आगीवर नियंत्रण मिळवले. तिसऱ्या मजल्यावर आग लागल्याने दोन ते तीन फ्लॅट आगीच्या भक्षस्थानी सापडले होते. या आगीत इमारतीचे मोठे नुकसान झाले आहे.
+6
फोटो
