भारतात कोरोनाने मोडले आतापर्यंतचे सगळे रेकॉर्ड, 24 तासांत नव्या रुग्णांचा कहर

भारतात कोरोनाने मोडले आतापर्यंतचे सगळे रेकॉर्ड, 24 तासांत नव्या रुग्णांचा कहर

गेल्या 24 तासांत कोरोनाचे 7,466 नवीन रुग्ण आढळले. कोरोनाची नवीन प्रकरणं अस्तित्त्वात आल्याने देशात कोरोनाची लागण झालेल्या रूग्णांची संख्या वाढून 1,65,799 झाली आहे.

  • Share this:

नवी दिल्ली, 29 मे : चीनपासून जगभरात पसरलेल्या कोरोनाव्हायरस(Coronavirus) संसर्गाचा परिणाम भारतात (India) वेगाने वाढत आहे. आरोग्य मंत्रालयाच्या (Ministry of Health)आकडेवारीनुसार, गेल्या 24 तासांत कोरोनाचे 7,466 नवीन रुग्ण आढळले. कोरोनाची नवीन प्रकरणं अस्तित्त्वात आल्याने देशात कोरोनाची लागण झालेल्या रूग्णांची संख्या वाढून 1,65,799 झाली आहे.

आरोग्य मंत्रालयाच्या आकडेवारीनुसार, कोव्हिड-19 मुळे गुरुवारी 175 लोकांचा मृत्यू झाला. देशातील कोरोना विषाणूमुळे आतापर्यंत 4,706 लोकांचा मृत्यू झाला आहे. देशात 89,987 पॉझिटिव्ह रूग्ण आहेत, तर 71,105 रूग्ण बरे झाले आहेत आणि घरी गेले आहेत. देशातील संक्रमणामुळे आतापर्यंत एकूण 4,706 रुग्णांचा मृत्यू झाला असून त्यापैकी महाराष्ट्रात 1,982 रुग्ण मरण पावले आहेत तर गुजरातमध्ये 960 रुग्णांचा मृत्यू झाला आहे. मध्य प्रदेशात ही संख्या 321 आहे, दिल्लीत संक्रमणामुळे बळी पडलेल्या रूग्णांची संख्या 316 आणि पश्चिम बंगालमध्ये 295 आहे. राजस्थान आणि उत्तर प्रदेश या दोन्ही राज्यांमध्ये 180 आणि 197 लोकांचा संसर्ग झाल्यामुळे मृत्यू झाला.

पुण्यातील अक्षय बोऱ्हाडे प्रकरणाला नवं वळण, FB व्हिडिओनंतर उमटले राजकीय पडसाद

तामिळनाडूमध्ये 127 आणि आंध्र प्रदेश आणि तेलंगणा या दोन्ही राज्यात 57 जणांचा मृत्यू झाला. कोव्हिड-19 मुळे कर्नाटकात मृतांची संख्या 44 आणि पंजाबमध्ये 40 झाली आहे. जम्मू-काश्मीरमध्ये 24, हरियाणामध्ये 17, बिहारमध्ये 13, ओडिशामध्ये सात, केरळमध्ये सहा, हिमाचल प्रदेशात पाच, झारखंड, उत्तराखंड, चंदीगड आणि आसाममध्ये प्रत्येकी चार मृत्यू झाले. तर मेघालयात एकाचा मृत्यू झाला.

पुणे कोरोनानं हादरलं, कामगाराच्या अचानक मृत्यूनंतर आला धक्कादायक रिपोर्ट 

24 तासांत मुंबईत 1438 नवीन प्रकरणं

गुरुवारी मुंबईत कोरोना विषाणूच्या संसर्गाच्या 1438 नवीन घटनांची नोंद आल्यानंतर महानगरात 35,000 चा आकडा ओलांडला आहे, तर या साथीमुळे आणखी 38 जणांचा मृत्यू झाला आहे. त्यामुळे मृत्यूची संख्या 1100 पेक्षा जास्त झाली आहे. बृहन्मुंबई महानगर पालिका (बीएमसी) च्या म्हणण्यानुसार महानगर मुंबईत गेल्या 24 तासांत कोरोना विषाणूची लागण झालेल्या लोकांची संख्या, 35,273 झाली आहे. महानगरात मृतांची संख्या 1135 वर पोहोचली आहे.

मुंबईकडे येणाऱ्या गाडीचा भीषण अपघात, तरुणीनं जागीच सोडला जीव तर चिमुरडी बचावली

संपादन - रेणुका धायबर

First published: May 29, 2020, 9:38 AM IST

ताज्या बातम्या

corona virus btn
corona virus btn
Loading