Tamilnadu Crackers Fire : घरी फटाके बनवायचे; रात्री अचानक झाला स्फोट,एकाच कुटुंबातील चौघांचा मृत्यू 

नमक्कल (तामिळनाडू) 01 जानेवारी : तामिळनाडूतील नमक्कल जिल्ह्यात एक मोठी दुर्घटना घडली आहे. काल (दि.31) पहाटे चार जणांचा दुर्दैवी मृत्यू झाला. फटाक्यांच्या ढिगात झालेल्या स्फोटामुळे लागलेल्या आगीत एकूण 9 जण भाजले आहेत. त्यापैकी चार जणांचा मृत्यू झाला आहे. ज्या घरात ही घटना घडली त्या घरात फटाके बनवले जातात. दरम्यान घरात भरपूर फटाके ठेवण्यात आल्याने ही घटना घडली आहे. मृतांमध्ये व्यापारी, त्याची पत्नी, त्याची आई आणि एका शेजाऱ्याचा समावेश आहे. पाच जणांवर रुग्णालयात उपचार सुरू आहेत.

हे  ही वाचा : 4 मुलांच्या आईने दिला नवऱ्याला धोका, प्रियकरासोबतही मिळालं नाही सुख! धक्कादायक प्रकार...

वास्तविक, जिल्ह्यातील मोहनूर येथे फटाके बनविणारे व विक्रेते थिल्लईकुमार यांचे घर आहे. नवीन वर्षासह आगामी सणांमुळे त्यांनी घरात मोठ्या प्रमाणात फटाक्यांची साठवणूक केली होती. त्यांच्या घरात फटाके बनवण्याचे कामही होते. शनिवारी पहाटे 3.30 वाजता अचानक फटाक्यांनी पेट घेतल्याने ही घटना घडली.

बघता बघता काही वेळातच संपूर्ण फटाके फुटू लागले आणि घराला आग लागली. आग लागली तेव्हा थिल्लईकुमार यांच्या शेजारच्या घरालाही आग लागली. आग लागल्याचे समजताच परिसरात एकच खळबळ उडाली होती. मात्र, आग एवढी भडकली की थिल्लईकुमार, त्यांची पत्नी प्रिया, आई सेल्वी आणि शेजारी असे एकूण 9 जण आगीत भाजले गेले.

सुरुवातीला शेजाऱ्यांनी आग आटोक्यात आणण्याचा प्रयत्न केला. पण, यश मिळू शकले नाही. या घटनेची माहिती तात्काळ पोलीस, रुग्णवाहिका आणि अग्निशमन दलाला देण्यात आली. येथे जळालेल्या पाचही जणांना नमक्कल शासकीय रुग्णालयात उपचारासाठी नेण्यात आले. थिल्लईकुमार, पत्नी प्रिया, आई सेल्वी आणि शेजारी यांचा उपचारादरम्यान मृत्यू झाला. तर जखमी मुलीसह पाच जणांवर उपचार सुरू आहेत.

हे ही वाचा : nashik jindal fire : भलामोठा आवाज झाला आणि आकाशात आगीचा लोळ उठले, स्फोटाचा LIVE VIDEO

फ्रायर ब्रिगेडने आग आटोक्यात आणली

थिल्लईकुमार यांचे घर आगीत जळून खाक झाले आहे. शेजारील घराचेही नुकसान झाले आहे. अग्निशमन दलाने अनेक तासांच्या प्रयत्नानंतर आग आटोक्यात आणली. फटाक्यांपर्यंत आग कशी पोहोचली, असे स्थानिक पोलिसांचे म्हणणे आहे. त्याची माहिती पोस्ट केली जात आहे.