)
नवी दिल्ली, 16 सप्टेंबर: टाइम साप्ताहिकाच्या (TIME magazine) प्रभावशाली व्यक्तींच्या यादीत पहिल्या 100 जणांत पंतप्रधान नरेंद्र मोदी (Narendra Modi), पश्चिम बंगालच्या मुख्यमंत्री ममता बॅनर्जी (Mamata Banerjee) , सीरम इन्स्टिट्यूटचे मुख्य कार्यकारी अधिकारी अदर पूनावाला (Adar Poonawalla) यांचा समावेश आहे. टाइमने बुधवारी ‘2021 च्या 100 सर्वात प्रभावशाली व्यक्तींची’ (100 Most Influential People) वार्षिक यादी जाहीर केली. या यादीत अमेरिकी अध्यक्ष जो बायडेन, उपाध्यक्षा कमला हॅरीस, चीनचे अध्यक्ष क्षी जिनपिंग, ड्युक अ‍ॅण्ड डचेस ऑफ ससेक्स प्रिन्स हॅरी आणि मेघन तसंच माजी अमेरिकी अध्यक्ष डोनाल्ड ट्रम्प, तालिबानचा सहसंस्थापक मुल्ला अब्दुल गनी बरादर यांचा समावेश आहे.
याशिवाय एलोन मस्कचे नावही ‘इनोव्हेटर्स’मध्ये समाविष्ट आहे. पुतिनविरोधी कार्यकर्ते अलेक्सी नॅव्हलनी आणि रशियात अटक झालेली गायिका ब्रिटनी स्पीयर्स यांचा प्रभावशाली व्यक्तींच्या या यादीत समावेश करण्यात आला आहे. हेही वाचा- Air India चं खासगीकरण अखेरच्या टप्प्यात! Tata बरोबर याही कंपनीने लावली बोली
पीएम मोदींच्या टाइम प्रोफाइलमध्ये असं म्हटलं आहे की, स्वतंत्र राष्ट्र म्हणून भारताच्या 74 वर्षांमध्ये तीन प्रमुख नेते होते. यामध्ये जवाहरलाल नेहरू, इंदिरा गांधी आणि नरेंद्र मोदी यांचा समावेश आहे. नरेंद्र मोदी हे देशाच्या राजकारणावर वर्चस्व गाजवणारे तिसरे नेते आहेत, त्यांच्यानंतर कोणीही नाही.
हेही वाचा- खेळता खेळता 3 चिमुकले गेले तळ्यात, आईवडिलांच्या डोळ्यांदेखत बुडून मृत्यू
ममता बॅनर्जी यांच्या प्रोफाइलमध्ये सांगितलं आहे की, 66 वर्षीय नेत्या भारतीय राजकारणातील उग्रतेचा चेहरा बनल्या आहेत. राजकारणातील एका निर्भीड महिला नेत्याचा चेहरा पुढे आला. ममता यांनी तृणमूल काँग्रेस पक्षाचं नेतृत्व केले नाही तर त्या स्वतः एक पक्ष आहेत.
+6
फोटो
