हृदयस्पर्शी! जोडप्याने 80 वर्ष दिली एकमेकांची साथ अन् शेवटचा श्वासही सोबतच घेतला; एकाच चितेवर अंत्यसंस्कार

जयपूर 25 एप्रिल : जन्म, मृत्यू या गोष्टी आधीच ठरलेल्या असतात, असं म्हटलं जातं. त्यापुढे कोणाचंही काहीही चालत नाही. मात्र कधी कधी अशा घटना घडतात ज्या पाहून सगळ्यांनाच धक्का बसतो. राजस्थानमधील अजमेर जिल्ह्यातील श्रीनगर शहरातील कालेडी गावात असाच काहीसा प्रकार घडला आहे. येथे 105 वर्षांचा नवरा आणि त्याची 101 वर्षांची पत्नी ही जोडी (Oldest couple) एक अनोखं उदाहरण ठरली. लग्नानंतर हे जोडपं 80 ​​वर्षे एकत्र राहिलं. दोघांचा स्नेह एवढा जास्त होता की अवघ्या पाच तासांच्या अंतराने तीन दिवसांपूर्वी दोघांचाही मृत्यू झाला (Elderly Couple died on Same Day). आधी नवऱ्याने जगाचा निरोप घेतल्यानंतर पत्नी शांत झाली आणि पतीच्या मृत्यूनंतर पाच तासांनी तिनेही आपला जीव सोडला. दोघांवर एकाच चितेवर अंत्यसंस्कार करण्यात आले. लग्नमंडपातून घरी परतलेला वर थेट पोहोचला तुरुंगात; कारण कळल्यावर नव्या नवरीला आलं रडू मिळालेल्या माहितीनुसार, श्रीनगर शहरातील कोल्डी गावातील हे जोडपं पूर्वी चर्चेचा विषय होतं आणि मृत्यूनंतरही चर्चेत राहिलं. भैरुसिंग रावत आणि त्यांची पत्नी हिरादेवी असं या जोडप्याचं नाव होतं. रावत यांच्या कुटुंबीयांनी दिलेल्या माहितीनुसार, दोघांचं 80 वर्षांपूर्वी लग्न झालं होतं. दोघांनाही एकमेकांबद्दल खूप जिव्हाळा होता. हे दाम्पत्य त्यांचा ७० वर्षीय मुलगा शंकरसोबत राहत होते. तीन दिवसांपूर्वी गुरुवारी दोघांनी मिळून जगाचा निरोप घेतला. दोघांनीही आपलं जीवन साधेपणानं जगल्याचं गावकरी सांगतात. दोघंही एकत्र शेती करायचं. भैरुसिंग यांनी शेतीच्या कामानंतर गावातच किराणा मालाचं दुकान सुरू केलं. ६ वर्षांपूर्वी भैरुसिंग यांना अर्धांगवायू झाला होता. भैरुसिंग यांचं गुरुवारी दुपारी ४ वाजता अचानक निधन झालं. पतीच्या निधनाचा धक्का पत्नी हिरादेवी यांना सहन न झाल्याने त्या सदम्यात गेल्या. पती भैरूसिंह यांच्या निधनानंतर अवघ्या पाच तासांत हिरादेवी यांनीही जगाचा निरोप घेतला. जेवायला बसत होते मोठा दीर आणि वहिनी.., अंधविश्वासातून महिलेने केली दोघांची हत्या त्यांच्या मृत्यूच्या दुसऱ्या दिवशी शुक्रवारी दोघांवर एकाच चितेवर अंत्यसंस्कार करण्यात आले. एकाच चितेवर दोघांचे अंत्यसंस्कार पाहून स्मशानभूमीत पोहोचलेल्या लोकांचे डोळे पाणावले. ग्रामस्थांनी त्यांच्या घरी जाऊन दोघांनाही श्रद्धांजली वाहिली. गावकऱ्यांनी त्याचं वर्णन अखंड प्रेमाचं उदाहरण म्हणून केलं आहे. अंत्ययात्रेत कलेडी, नाथा खेडासह आजूबाजूच्या गावातील ग्रामस्थ उपस्थित होते. एकाच दिवशी एका वृद्ध दाम्पत्याचा मृत्यू झाल्याने परिसरात हा चर्चेचा विषय ठरला आहे.

• Follow us on