Corona Vaccination In India: पुढच्या आठवड्यात सेलिब्रेशन, लवकरच भारत 100 कोटी लसीकरणाचे लक्ष्य गाठणार
Corona Vaccination In India: भारत देशातील कोरोना व्हायरसचा नायनाट करण्यासाठी जगातील सर्वात मोठी लसीकरण (Vaccination) मोहीम राबवली जात आहे.
- News18 Lokmat
- Last Updated :
नवी दिल्ली, 14 ऑक्टोबर: संपूर्ण जग कोरोना व्हायरस (Corona Virus) या महामारीचा सामना करताना दिसत आहे. अजूनही काही देशात कोरोनाचा प्रार्दुभाव पाहायला मिळतो. कोरोना व्हायरसला रोखण्यासाठी विविध पातळीवर प्रयत्न केले जाताहेत. त्यातच कोरोनाला रोखण्यासाठी प्रतिबंधक लस खूप महत्त्वाची भूमिका बजावत आहे. जगभरात कोरोना लसीकरणावर भर देण्यात येत आहे. अशातच भारत देशातील कोरोना व्हायरसचा नायनाट करण्यासाठी जगातील सर्वात मोठी लसीकरण (Vaccination) मोहीम राबवली जात आहे. त्यातच भारत देश लसीकरणाबाबत नवनवे विक्रमही मोडीत काढत आहे. आता आरोग्य मंत्रालयानं सेलिब्रेशनची तयारी सुरु केली आहे. कारण लवकरच देश 100 कोटी किंवा एक अब्ज लस डोस देण्याचा विक्रम करणार आहे.
यासाठी देशभरात विविध कार्यक्रमांचे आयोजन करण्याचा सरकार विचार करत आहे. सूत्रांनी ही माहिती दिली आहे. रिपोर्ट्सनुसार, पुढील आठवड्याच्या सुरुवातीपर्यंत हे लक्ष्य साध्य केलं जाणार आहे. केंद्रीय आरोग्य मंत्रालय संपूर्ण भारतभर कार्यक्रमांसह हा दिवस साजरा करण्याची योजना आखत आहे. सूत्रांनी न्यूज 18 ला सांगितलं की, यामध्ये कोविड -19 योद्धा आणि आरोग्य कर्मचाऱ्यांचा समावेश करण्याचं नियोजन आहे, जे लसीकरण मोहिमेमध्ये सर्वात प्रमुख आहे.
हेही वाचा- PM गतिशक्ती योजनेमुळे वेळेतच पूर्ण होणार सर्व प्रोजेक्ट्स; पंतप्रधान नरेंद्र मोदींनी सांगितला मास्टरप्लॅन
आरोग्य मंत्री मनसुख मांडविया यांनी मंत्रालयातील अधिकाऱ्यांना 100 कोटी डोस पूर्ण झाल्याच्या सेलिब्रेशनच्या वेळी कोविड -19 योद्ध्यांचा सन्मान कसा करावा याविषयी त्यांचे विचार मांडण्यास सांगितलं आहे. या कोविड योद्ध्यांमध्ये कर्तृत्व बजावताना जीव गमावलेल्यांचाही समावेश आहे. NDTV च्या मते, भारत पुढील आठवड्यात सोमवार किंवा मंगळवारपर्यंत हे लक्ष्य साध्य करेल.
लसीकरणाचा आकडा 96 हजार पार
ताज्या आकडेवारीनुसार, भारतात कोविड -19 लसीकरण 96.78 कोटी (96,78,08,545) पार केलं आहे. ज्यात बुधवारी संध्याकाळी 7 पर्यंत 32 लाखांपेक्षा जास्त (32,36,997) लसीचे डोस देण्यात आले आहेत.
हेही वाचा- Manmohan Singh Health Update: माजी पंतप्रधान मनमोहन सिंग यांची तब्येत बिघडली; AIIMS च्या Cardio Department मध्ये भरती
10 ऑक्टोबर रोजी देशात लसीकरणाची संख्या 95 कोटींवर पोहोचल्यानंतर आरोग्यमंत्र्यांनी स्तुती केली होती आणि असेही म्हटलं होतं की भारत लवकरच 100 कोटीं लसीकरणाचा टप्पा गाठेल.
16 जानेवारीपासून लसीकरणास सुरुवात
देशव्यापी लसीकरण मोहिम 16 जानेवारी रोजी आरोग्य कर्मचाऱ्यांच्या (HCWs) लसीकरणासह पहिल्या टप्प्यात सुरू करण्यात आली. कोविड -19 विरुद्ध आघाडीच्या कर्मचाऱ्यांचे लसीकरण 2 फेब्रुवारीपासून सुरू झाले.
हेही वाचा- गडकरींची रेकॉर्ड तोड कारवाई; Road Accidentनंतर पीडित व्यक्तीची तक्रार, अवघ्या 2 तासात रस्ते दुरुस्ती
कोविड -19 लसीकरणाचा पुढील टप्पा 1 मार्च रोजी 60 वर्षे आणि त्याहून अधिक वयाच्या इतर रोग आणि 45 वर्षे आणि त्याहून अधिक वयाच्या लोकांसाठी सुरू करण्यात आला. देशाने 1 एप्रिलपासून 45 वर्षांवरील सर्व लोकांसाठी लसीकरण सुरू केलं. त्यानंतर सरकारने 18 वर्षांवरील सर्वांना 1 मे पासून लसीकरण करण्याची परवानगी देऊन लसीकरण मोहिमेचा विस्तार करण्याचा निर्णय घेतला.