काश्मीरच्या या गावात जवळपास प्रत्येक घरात मुक-बहिरे! लष्कराच्या निर्णयाचा वाटेल अभिमान

श्रीनगर, 17 फेब्रुवारी : देशातील प्रत्येक नागरिक सुरक्षित राहावा यासाठी भारतीय जवान सीमेवर रात्रंदिवस तैनात असतात. त्यामुळे देशातील प्रत्येकाला आपल्या जवानांचा सार्थ अभिमान वाटत असतो. आता या अभिमानात आणखी भर पडणार आहे. लष्कराने (Indian Army) जम्मू आणि काश्मीरमधील (Jammu kashmir) एक गाव दत्तक घेण्याचा निर्णय घेतला आहे, येथे मोठ्या संख्येने मूकबधिर (Deaf-mute) लोक राहतात. लष्कराच्या प्रवक्त्याने सांगितले की, राष्ट्रीय रायफल्सने आता या लोकांच्या उपचार आणि शिक्षणासाठी हे गाव दत्तक घेतले आहे. हे गाव डोडा जिल्ह्यातील भदेरवाह शहरापासून 105 किमी अंतरावर डोंगराच्या माथ्यावर वसलेले आहे. या आदिवासी गावात 105 कुटुंबे आहेत. या 55 कुटुंबांमध्ये गूढपणे किमान एक व्यक्ती आहे जी बोलू शकत नाही आणि ऐकू शकत नाही. संपूर्ण गावात असे 78 लोक आहेत, ज्यामध्ये 41 महिला आहेत आणि 30 तीन ते 15 वर्षे वयोगटातील मुले आहेत. लष्कराच्या प्रवक्त्याने सांगितले की, गावात अनेक सामाजिक कल्याणकारी कार्यक्रम सुरू करण्यामागचा उद्देश लोकांना स्वतःहून जगण्याचा आत्मविश्वास देणे हा आहे. पहिल्या टप्प्यात, कपडे, अन्न आणि आरोग्य सेवा या मूलभूत गरजांव्यतिरिक्त, सैन्याने कर्णबधिर मुलांसाठी घरोघरी खाजगी शिक्षण वर्ग सुरू केले आहेत. यासाठी तेलंगणात विशेष प्रशिक्षित सांकेतिक भाषा तज्ञ तैनात केले जात आहेत. योजनेच्या पुढील टप्प्यात दडकी ग्रामपंचायतीत वसतिगृहाची सुविधा असलेली शाळा बांधण्यात येणार आहे. अजित डोवाल यांच्या घरात घुसखोरीचा प्रयत्न, पकडलेल्या तरुणानं केला धक्कादायक दावा लोकांना मदत करणे हा त्यांचा उद्देश असल्याचे लष्कराने म्हटले आहे. हैदराबाद आणि सिकंदराबाद (तेलंगणा) येथे सांकेतिक भाषेचे विशेष प्रशिक्षण घेण्यासाठी लष्कराने दोन शिक्षकांना आर्थिक मदत केली. आता मूकबधिरांना त्यांच्या घरी शिकवले जात आहे. गावातील लोकांमध्ये मूकबधिर मुलांबद्दल एवढी भीती आहे की, जेव्हा एखादी महिला गर्भवती होते, तेव्हा तिचे कुटुंबच नाही तर संपूर्ण गावाला भावी मूल बहिरे होण्याची भीती असते. गेल्या काही दशकांत अनेक स्वयंसेवी संस्था गावात पोहोचल्या, पण ठोस काहीही झाले नाही, असे ग्रामस्थांनी सांगितले. लष्कराने व्यावहारिक पावले उचलली आहेत, ज्यामुळे मूकबधिर लोकांचे दुःख दूर होण्यास नक्कीच मदत होईल. काही सांकेतिक भाषा शिकणाऱ्यांनी शिलाई केंद्र सुरू करण्याची इच्छा व्यक्त केली आणि त्यांनी शिलाई मशीन आणि शाळेची मागणी केली. आता गावकऱ्यांच्या सर्व आशा सैन्यावर आहेत. जानेवारीमध्ये लष्कराने 10 मुलांना 17,000 रुपयांचे श्रवणयंत्र दिले. याशिवाय सांकेतिक भाषा शिकवू लागले आहेत.

• Follow us on