एकतर्फी प्रेमातून 6 मुलांच्या आईवर भररस्त्यात चाकूनं वार, हल्ल्याचा थरार कॅमेऱ्यात कैद

हैदराबाद, 28 मे: हैदराबादमध्ये (Hyderabad) एक धक्कादायक घटना घडली आहे. एका विवाहित (married woman) आणि सहा मुलांची आई महिलेवर (mother of six children) असलेल्या एकतर्फी प्रेम करणाऱ्या तरुणानं हल्ला केला आहे. शुक्रवारी रस्त्याच्या मधोमध तरुणानं महिलेवर वार केले आहे. IANS या वृत्तसंस्थेनं यासंदर्भातली माहिती दिली आहे. महिलेनं तरुणाशी लग्न करण्यास नकार दिला होता, हे ऐकून तरुण वेडा झाला. महिलेचा पाठलाग करत त्याने शुक्रवारी भरदिवसा तिच्यावर चाकूने वार करून तिला गंभीर जखमी केलं. जुने शहरातील हाफिज बाबा नगर येथील वर्दळीच्या रस्त्यावर ही घटना घडली आहे. या घटनेनंतर 48 वर्षीय महिलेला रुग्णालयात दाखल करण्यात आलं आहे. हल्ल्यानंतर पळून गेलेल्या व्यक्तीच्या शोधात पोलीस व्यस्त आहेत. Modi@8: लहानपणी अभ्यासात कसे होते नरेंद्र मोदी? सांगितलं धाकट्या भावाने कांचनबाग पोलिस ठाण्याच्या निरीक्षक उमा महेश्वरा राव यांनी सांगितलं की, हाफिज बाबा नगरमध्ये एका व्यक्तीने एका महिलेवर अनेक वेळा चाकूने वार करताना कॅमेऱ्यात कैद झालं आहे. या महिलेनं त्या व्यक्तीसोबत लग्न करण्यास नकार दिल्यानं हा हल्ला करण्यात आला. आरोपीविरोधात खुनाचा प्रयत्न केल्याचा गुन्हा दाखल करण्यात आला आहे. महिला सध्या धोक्याबाहेर असून आरोपीचा शोध सुरू आहे. आरोपींना पकडण्यासाठी पाच पथके तयार करण्यात आली आहेत. या घटनेचा एक व्हिडिओ देखील सोशल मीडियावर व्हायरल होत आहे, ज्यामध्ये एक तरुण बुरखा घालून महिलेचा पाठलाग करताना दिसत आहे, अचानक तो महिलेवर मागून लांब चाकूने हल्ला करताना दिसत आहे. महिला जखमी होऊन खाली पडल्यानंतरही ती थांबत नाही आणि एका जाणाऱ्याने जवळ जाण्याचा प्रयत्न केला असता हल्लेखोराने त्याच्यावरही चाकूने वार करण्याचा प्रयत्न केला आणि तिला मागे हटण्यास भाग पाडले. मोठी बातमी: प्रवाशांनी भरलेली बस पलटली, अपघातात 25 जण जखमी जखमी महिला ही सहा मुलांची आई असून, तिचा शेजारी अनेक वर्षांपासून तिचा छळ करत होता आणि तिच्या मागे लागला होता, असे पीडित कुटुंबीयांनी सांगितले. गेल्या वर्षी त्यांनी पोलिसांत तक्रार दाखल केली होती. पण पोलिसांनी त्याला अटक करून नंतर सोडून दिल्याचे सांगितले.

• Follow us on