झोपडीला लागलेल्या आगीत अख्खं कुटुंब जिवंत जळालं, 7 जणांचा होरपळून मृत्यू; मृतांमध्ये पाच चिमुरडे

चंदीगड, 20 एप्रिल: पंजाबमधील लुधियानामध्ये (Ludhiana, Punjab) रात्री उशिरा एक वेदनादायक (Tragic Accident) दुर्घटना घडली. येथील टिब्बा रोडवरील महापालिकेच्या कचरा डंप यार्डजवळ बांधलेल्या झोपडपट्टीला आग लागली. या आगीत एकाच कुटुंबातील सात जणांचा होरपळून मृत्यू झाला. पूर्व लुधियानाचे सहायक पोलीस आयुक्त सुरिंदर सिंग यांनी सांगितले की, ही घटना 19 एप्रिल रोजी दुपारी दीडच्या सुमारास घडली. माहिती मिळताच अग्निशमन दल आणि पोलिसांचे पथक घटनास्थळी दाखल झाले. अग्निशमन दलाने तातडीने आग विझवली. झोपडीतून 7 मृतदेह बाहेर काढण्यात आले. या अपघातात जीव गमावलेले कुटुंब हे परप्रांतीय मजूर असून ते दुणे रोडवरील महापालिकेच्या कचरा डंप यार्डजवळ एका झोपडीत राहत होते. चीनचा नवा खतरनाक प्लान..! बंद पिशवीत सापडले जिवंत कुत्रे, मांजर   टिब्बा पोलीस स्टेशनचे एसएचओ रणबीर सिंग यांनी मृतांची ओळख पटवली आहे. त्यात पती-पत्नी आणि त्यांची पाच मुले यांचा समावेश आहे. हे कुटुंब बिहारमधील समस्तीपूर जिल्ह्यातील रहिवासी होते. सुरेश साहनी (55), त्यांची पत्नी अरुणा देवी (52), मुली राखी (15), मनीषा (10), गीता (8) आणि चंदा (5) आणि 2 वर्षांचा मुलगा सनी अशी त्यांची नावे आहेत. परप्रांतीय कुटुंबातील मोठा मुलगा राजेश हा मित्राच्या घरी झोपायला गेल्यानं या अपघातात बचावला. राजेशनेच त्याच्या कुटुंबीयांची माहिती पोलिसांना दिली. राजेशनं सांगितले की, त्याचे वडील सुरेश साहनी हे कचराकुंडी काम करायचे. पूर्व लुधियानाचे सहायक पोलीस आयुक्त सुरिंदर सिंग यांनी सांगितलं की, अपघाताची माहिती मिळताच सिव्हिल हॉस्पिटलमधील डॉक्टरांचे पथक घटनास्थळी पोहोचले. डीसी सुरभी मलिक आणि पोलीस आयुक्त कौस्तब शर्माही घटनास्थळी पोहोचले. पोलिसांनी सर्व मृतदेह झोपडीतून बाहेर काढून पोस्टमार्टमसाठी सिव्हिल हॉस्पिटलमध्ये पाठवले. झोपडीला आग कशी लागली हे कळू शकले नाही. पोलीस या प्रकरणाचा तपास करत आहेत. फॉरेन्सिक टीमनं घटनास्थळावरून नमुने गोळा करून प्रयोगशाळेत तपासणीसाठी पाठवले आहेत. मात्र, संपूर्ण कुटुंब एकत्र झोपले असताना कोणीतरी झोपडपट्टीला आग लावल्याचाही संशय व्यक्त केला जात आहे. पोलीस या प्रकरणाचा सर्व बाजूंनी तपास करत आहेत.

• Follow us on