हार्दिक पटेल BJP मध्ये करणार प्रवेश?, 10 दिवसांत करणार मोठी घोषणा; Congress वर सोडलं टीकास्त्र

गुजरात, 24 मे: गुजरातमधील (Gujarat) पाटीदार नेते हार्दिक पटेल (Patidar leader Hardik Patel) यांच्या राजकीय भवितव्याबाबत बऱ्याच चर्चा सुरू आहेत. ज्यांनी काही दिवसांपूर्वीच काँग्रेसला सोडचिठ्ठी दिली आहे. मात्र एका मुलाखतीदरम्यान हार्दिक पटेल यांनी येत्या 10 दिवसांत मोठी घोषणा करण्याचे संकेत दिले आहेत. याशिवाय पक्षाचे सहकारी जिग्नेश मेवाणी (Jignesh Mewani) यांच्या कमेंटवरही त्यांनी प्रतिक्रिया दिली. गुजरात काँग्रेसचे कार्याध्यक्ष राहिलेले हार्दिक पटेल यांनी ट्विट करून काँग्रेस सदस्यत्व सोडण्याची घोषणा केली होती. पक्षाच्या कारभारावर ते बऱ्याच दिवसांपासून नाराजी व्यक्त करत होते. चमत्कार..! दफन केल्यानंतर तासाभरात नवजात मुलगी कबरीतून जिवंत बाहेर इंडिया टुडेशी संवाद साधताना पुढील पक्षाबाबत बोलताना ते म्हणाले की, मार्ग निश्चित झाला असून लवकरच सर्वांना कळेल. प्रत्येक व्यक्ती आपल्या राजकीय जीवनात समाजाचे हित, राष्ट्रहित, राज्याचे हित या चार मुद्द्यांसह पुढे जात असते. ते म्हणाले, ‘जागे व्हा, मी काँग्रेसमध्ये असताना जे काही करू शकलो नाही ते सर्व साध्य करेन. मी गुजरातच्या लोकांच्या मार्गावर जाईन आणि त्यांच्या भल्यासाठी काम करेन. मी नमूद केलेल्या मुद्द्यांवर काँग्रेस काम करण्यास तयार आहे असे मला वाटत नाही, असे ते म्हणाले. भाजपमध्ये प्रवेश करण्याच्या प्रश्नावर ते म्हणाले की, येत्या 10 दिवसांत निर्णय जाहीर करू. पटेल म्हणाले की, ‘मी अनेक वर्षांपासून गुजरातच्या राजकारणात आहे. गेली अनेक वर्षे काँग्रेस सत्तेत नाही. गुजरातच्या जनतेला काँग्रेस पक्ष नको आहे आणि पक्ष ते मान्य करायलाही तयार नाही. भारतीय जनता पक्षाला स्वीकारण्याकडे गुजरातमधील लोकांचा कल अधिक आहे. मी ज्या 4 मुद्द्यांवर बोललो ते सत्ताधारी पक्षाशी अधिक सुसंगत आहेत. येत्या 10 दिवसांत माझा निर्णय सर्वांसमोर असेल. मेवाणी यांच्या आरोपांना उत्तर देताना पाटीदार नेता हार्दिक पटेल म्हणाले की, ज्या पक्षाच्या विचारधारेशी तडजोड केली गेली आहे, अशा पक्षांतर्गत अशा गोष्टी घडतात. माझी विचारधारा फक्त जनहिताची आहे. काँग्रेस कशासाठी काम करते? जनहितासाठी काम करून माझी विचारधारा बदलली असे तुम्ही म्हणत असाल तर मी म्हणेन की मी माझी विचारधारा बदलली आहे. समाजहित असो, राज्यहित असो वा राष्ट्रहित असो, मी माझी विचारधारा बदलली आहे. WWE हेवीवेट द ग्रेट खली नेमकं खातो तरी काय? त्याने स्वत:च सांगितल्या हेल्थ टिप्स   मात्र मेवाणीबाबत काहीही बोलण्यास त्यांनी नकार दिला. काँग्रेस सोडण्याच्या निर्णयाने कुटुंबीय खूप खूश असल्याचे पटेल म्हणाले. “काँग्रेसमधून राजीनामा देण्याच्या माझ्या निर्णयामुळे माझी पत्नी आणि तिचे कुटुंबीय खूप खूश आहेत. ते वर्षानुवर्षे भाजपच्या विचारधारेशी निगडीत होते. जेव्हा मी काँग्रेसमध्ये प्रवेश केला तेव्हा माझ्या पत्नीच्या कुटुंबीयांनी माझ्या निर्णयावर अनेकदा प्रश्नचिन्ह उपस्थित केले. वडील हयात असतानाही मी चुकीच्या पक्षात आलो असे ते म्हणायचे. आता माझ्या कुटुंबातील प्रत्येकजण आनंदी आहे.

• Follow us on