चार अल्पवयीन मुलांकडून 6 वर्षांच्या चिमुरडीवर वर्षभरापासून बलात्कार, तिघांना अटक

मित्रांसह पोटच्याच 9 वर्षीय लेकीवर केला बलात्कार -

माणुसकीला काळीमा फासणारी आणि नात्याला कलंक लावणारी घटना छत्तीसगडमधील जशपूरमध्ये (Jashpur Rape Case) समोर आली आहे. नऊ वर्षांच्या मुलीवर सामूहिक बलात्कार (Gangrape In Jashpur) झाला आहे. या संतापजनक घटनेतील मुख्य आरोपी या मुलीचा बापच आहे. दारूच्या नशेत त्यांनी हे कृत्य केल्याचा आरोप करण्यात आला आहे. घटनेनंतर पीडितेने तिच्या आजीला माहिती दिली. यानंतर पोलिसांत तक्रार करण्यात आली. पोलिसांनी सामूहिक बलात्कारातील तिघांना अटक केली आहे. पीडिताच्या आजीच्या तक्रारीनंतर पोलिसांनी आरोपी बाप आणि त्याच्या दोन मित्रांविरोधात 376 (घ) 376 (क,ख) पॉस्को कायदा 4,6,17 अंतर्गत गुन्हा दाखल करत त्यांना अटक केली आहे. याप्रकरणाचा अधिक तपास सुरू आहे. दरम्यान, या घटनेने परिसरात खळबळ माजली आहे.