देशात Corona Virus नं पुन्हा वाढवला तणाव, 24 तासात मृतांचा आकडा धक्कादायक

नवी दिल्ली, 12 नोव्हेंबर: Coronavirus India Today Update: गेल्या दीड वर्षांहून अधिक काळ देश कोरोना महामारीशी (Corona epidemic) झुंज देत आहे. कोरोना व्हायरसच्या दुसऱ्या लाटेनं कहर केल्यानंतर देशात कोविड-19 च्या (Covid-19 patients) रुग्णांमध्ये सातत्याने घट होत आहे. मात्र गेल्या 24 तासांत समोर आलेली आकडेवारी भयावह आहे. गेल्या एका दिवसात देशातील 501 रुग्णांना कोरोनामुळे (Corona virus) आपला जीव गमवावा लागला आहे. अशा परिस्थितीत कोरोनाचे रुग्ण कमी होत असले तरी लोकांनी पूर्णपणे सतर्क राहण्याची गरज आहे. मृतांच्या (death toll) संख्येमुळे सरकारची चिंता वाढली आहे. यासोबतच गुजरातमध्येही (Gujarat) केसेस वाढू लागल्या आहेत.

केंद्रीय आरोग्य मंत्रालयानं दिलेल्या माहितीनुसार, गेल्या 24 तासात देशात कोरोना व्हायरसचे 12,516 रुग्ण आढळले आहेत. त्यानंतर एकूण रुग्णांची संख्या 3,44,14,186 झाली आहे. सक्रिय रुग्णांची संख्या 1,37,416 वर आली आहे, जी 267 दिवसांतील सर्वात कमी आहे.

हेही वाचा- भारतासोबतच्या संबंधाबाबत तालिबाननं केलं मोठं विधान, प्रवक्त्यानं म्हटलं...

सरकारने जाहीर केलेल्या आकडेवारीत असं सांगण्यात आलं आहे की, कोरोना महामारीमुळे गेल्या 24 तासांत 501 जणांचा मृत्यू झाला आहे. आतापर्यंत एकूण मृतांची संख्या 4,62,690 वर पोहोचली आहे. हा सलग 35 वा दिवस आहे, जेव्हा दररोज कोरोनाचे रुग्ण 20 हजारांपेक्षा कमी येत आहेत.

मार्च, एप्रिल आणि मे महिन्यात कोरोनाच्या दुसऱ्या लाटेत मोठ्या प्रमाणावर नुकसानं झालं होतं. ज्यामध्ये दररोज चार लाखांहून अधिक रुग्णांची नोंद होत होती. रुग्णालयातील बेड्स आणि उपचारांच्या समस्येलाही लोकांना सामोरे जावे लागलं होतं.

गुजरातमध्ये पुन्हा एकदा थैमान?

त्याचवेळी गुजरातमध्ये पुन्हा एकदा कोरोनाचे प्रमाण वाढताना दिसत आहे. दिवाळीत लोकांच्या बेफिकीरपणाचा आणि बाजारातील गर्दीचा परिणाम दिसू लागला आहे. गुजरातमध्ये एकाच दिवसात 42 नवीन रुग्णांची नोंद झाली आहे. यानंतर आता अहमदाबाद महापालिकेच्या माध्यमातून कोविड चाचणी सुरू करण्यात आली आहे. संपूर्ण गुजरातमध्ये जिथे प्रकरणे फक्त 10 दिवसांपेक्षा कमी झाली आहेत. त्याच वेळी, आता या प्रकरणांची संख्या 42 वर पोहोचली आहे.

हेही वाचा-  कोविड -19 विरूद्धच्या Covaxin लसीसंदर्भात समोर आली नवी माहिती

कोरोना व्हायरसचे डेल्टा प्रकार हे चिंतेचे मुख्य कारण राहिलं आहे. INSACOG ने ही माहिती दिली आहे. एका बुलेटिनमध्ये म्हटलं आहे की, जागतिक परिस्थितीमध्ये कोणताही बदल झालेला नाही. B.1.617.2 (AY) आणि AY.x सबलाइन्ससह डेल्टा व्हेरिएंट जागतिक स्तरावर चिंतेचा मुख्य विषय बनला आहे. WHO च्या अपडेटनुसार, डेल्टाने बहुतेक देशांमध्ये इतर प्रकारांना मागं टाकलं आहे आणि आता इतर व्हेरिएंट्स कमी होत आहेत.

जाणून घ्या, काय आहे राज्यांची स्थिती?

राज्यातही कोरोनाचे रुग्ण कमी होत आहेत. महाराष्ट्रात गेल्या 24 तासांत केवळ 997 नवीन रुग्ण आढळले असून, 28 जणांचा मृत्यू झाला आहे. याशिवाय 1016 लोक बरे झाले आहेत. महाराष्ट्रात कोरोना विषाणूची एकूण प्रकरणे 66,21,420 वर पोहोचली आहेत, तर राज्यात आतापर्यंत 1,40,475 जणांना साथीच्या आजारामुळे आपला जीव गमवावा लागला आहे.

हेही वाचा- Pune: अंध पतीच्या डोळ्यात फेकली धूळ; 7 महिने संसार करत लाखोंचा घातला गंडा

याशिवाय, छत्तीसगडमध्ये कोविड-19 प्रकरणांची दैनंदिन संख्या 26 झाली असून एकूण प्रकरणांची संख्या 10,06,271 झाली आहे. मात्र, गेल्या 24 तासांत साथीच्या आजारामुळे एकाचाही मृत्यू झालेला नाही. राष्ट्रीय राजधानी दिल्ली 24 तासात कोणाचाही मृत्यू झालेला नाही. केवळ 40 नवीन प्रकरणे नोंदवण्यात आली आहे.