Corona Virus In India: देशात 24 तासात 1 लाख पार रुग्ण, महाराष्ट्रात रुग्णांचा आकडा सर्वाधिक

नवी दिल्ली, 07 जानेवारी: गुरुवारी भारतात (India) कोरोनाचे (Corona Virus) एक लाखाहून अधिक नवीन रुग्ण आढळले. त्यानंतर देशात कोविड-19 च्या सक्रिय रुग्णांची संख्या 3 लाखांहून अधिक झाली आहे. गेल्या 24 तासांत भारतात कोरोनाचे 1 लाख 17 हजार 100 नवीन रुग्ण आढळले आहेत. गुरुवारी तुलनेत 28.8 टक्के अधिक प्रकरणे आढळून आली आहेत. बुधवारी देशात कोरोनाचे 90 हजारांहून अधिक नवे रुग्ण आढळले आहेत. 7 महिन्यांनंतर भारतात नवीन प्रकरणांची संख्या 1 लाख पार झाली आहे. यापूर्वी 6 जून रोजी प्रकरणे एक लाखाच्या पुढे गेली होती.

अनेक राज्यांमध्ये संसर्गाच्या घटनांमध्ये अचानक वाढ झाली आहे. आजपासून 8 दिवस आधी, जिथे संसर्गाच्या रुग्णांनी 10 हजारांचा आकडा ओलांडला होता. देशात आतापर्यंत कोरोनाचे 3,52,26,386 रुग्ण आढळले आहेत. देशातील 5 सर्वाधिक संक्रमित राज्यांबद्दल बोलायचे झाल्यास, महाराष्ट्रात 36265 प्रकरणे, पश्चिम बंगालमध्ये 15421 प्रकरणे, दिल्लीत 15097 प्रकरणे, तामिळनाडूमध्ये 6983 प्रकरणे, कर्नाटकमध्ये 5031 प्रकरणे आढळून आली आहेत.

हेही वाचा-  TET Exam Scam: आणखी दोघांच्या आवळल्या मुसक्या, 13 जानेवारीपर्यंत पोलीस कोठडी

भारतातील एकूण प्रकरणांपैकी 67.29% नवीन प्रकरणे या 5 राज्यांमधून आली आहेत. तर एकूण प्रकरणांपैकी 30.97% प्रकरणे महाराष्ट्रात आढळून आली आहेत. भारतात गेल्या 24 तासांत 302 जणांचा मृत्यू झाला आहे. आतापर्यंत 4.83 लाख लोकांचा मृत्यू झाला आहे. गेल्या 24 तासांत केरळमध्ये 221 लोकांचा मृत्यू झाला असून, मृत्यूची सर्वाधिक संख्या आहे. याशिवाय बंगालमध्ये 9 जणांचा मृत्यू झाला आहे.

भारतातील रिकव्हरी रेट 97.57% आहे. गेल्या 24 तासांत येथे 30,836 रुग्ण बरे झाले आहेत. देशात आतापर्यंत 3,43,71,845 लोक कोरोनामधून बरे झाले आहेत.

देशात सक्रिय प्रकरणे 3.7 लाख

भारतात सक्रिय प्रकरणांची संख्या 3.71 लाख झाली आहे. गेल्या 24 तासात 85,962 सक्रिय प्रकरणांमध्ये वाढ झाली आहे. देशात आतापर्यंत 1,49,66,81,156 लसीचे डोस देण्यात आले आहेत. त्याच दरम्यान गेल्या 24 तासात 94,47,056 डोस देण्यात आले आहेत.

देशात ओमायक्रॉनची 3000 हून अधिक प्रकरणे

देशात आतापर्यंत ओमायक्रॉनची 3007 प्रकरणे नोंदवली गेली आहेत. मात्र, यातील 1199 लोक बरेही झाले आहेत. महाराष्ट्रात सर्वाधिक 876, दिल्लीत 465, कर्नाटकात 333, राजस्थानमध्ये 291, केरळमध्ये 284, गुजरातमध्ये 204 प्रकरणे आहेत. त्याच वेळी, तामिळनाडूमध्ये 121, हरियाणामध्ये 114, तेलंगणात 107, ओडिशात 60, उत्तर प्रदेशात 31, आंध्र प्रदेशात 28, बंगालमध्ये 27, गोव्यात 19, आसाममध्ये 9, मध्य प्रदेशात 9, उत्तराखंड 8 रुग्ण आढळून आलेत.

कोरोना संसर्गाच्या प्रकरणात पाच पटीचा वेग

गेल्या वर्षी (2021) 214 दिवसांपूर्वी म्हणजेच 6 जून रोजी भारतात कोरोना संसर्गाची शेवटची 1 लाख नवीन प्रकरणे नोंदवली गेली होती. तेव्हा देश महामारीच्या दुसऱ्या लाटेशी झुंज देत होता. आकडेवारीनुसार, गुरुवारी संध्याकाळपर्यंत संसर्गाची 1,17,100 नवीन प्रकरणे नोंदवण्यात आली आहेत. तर बुधवारी हा आकडा 90,889 च्या आसपास होता.

हेही वाचा- भारतात Omicron नं घेतला आणखी एकाचा जीव, महिलेचा मृत्यू

भारतात कोरोनाच्या पहिल्या लाटेदरम्यान, संसर्गाच्या दैनंदिन रुग्णांची संख्या 10,000 वरून 1 लाखांपर्यंत पोहोचण्यासाठी 103 दिवस लागले. तर दुसऱ्या लाटेत 47 दिवस लागले. कोरोना संसर्गाची तिसरी लाट गेल्या वर्षीच्या दुसऱ्या लाटेपेक्षा पाचपट वेगाने वाढत आहे. 28 डिसेंबरपासून संसर्गाच्या विस्ताराचा टप्पा सुरू झाला. अवघ्या 10 दिवसांत मोठी वाढ होत हा आकडा 1 लाखांच्या पुढे गेला आहे.