मुंबई, 13 जून : मुंबईतील दादर परिसरात एका इमारतीत मनोरुग्णाचा हाय होल्टेज ड्रामा पाहण्यास मिळाला. या मनोरुग्णाने थेट इमारतीच्या टेरेसवर जाऊन खाली उडी मारण्याची धमकी दिली. सुदैवाने वेळीच अग्निशमन दलाच्या जवानांनी धाव घेऊन या व्यक्तीला वाचवले.
मुंबईतील दादर भागातील शिंदेवाडी इथं असलेल्या एका इमारतीत आज दुपारी मनोरुग्णाने स्थानिकांच्या काळजाचा ठोका चुकवला. इमारतीचा 3 मजला अधिक टेरेस अशा चौथ्या मजल्यावर हा मनोरुग्ण दुपारपासून जाऊन बसला होता. त्यानंतर छज्यावर चढून इकडे तिकडे बिनधास्तपणे फिरत होता.
एवढंच नाहीतर लोकांनी त्याला अडवण्याचा प्रयत्न केला तर त्याने उडी मारण्याची धमकी दिली. हा मनोरुग्ण एक पोलीस कर्मचारी असल्याची माहिती समोर आली. त्याने उडी मारण्याची धमकी दिल्यामुळे वातावरण आणखी गंभीर झाले.
स्थानिकांनी अग्निशमन दल आणि पोलिसांना फोन करून या घटनेची माहिती दिली. अग्निशमन दलाच्या जवानांनी तातडीने घटनास्थळी धाव घेतली. स्थानिक पोलीसही परिसरात पोहोचले. आधी या व्यक्तीची समजूत काढण्याचा प्रयत्न करण्यात आला. पण, तो काही ऐकण्याच्या परिस्थितीत नव्हता.
अखेर मुंबई अग्निशमन दल आणि पोलिसांनी एकत्रित या व्यक्तीला रेस्क्यू केलं. या व्यक्तीला रेस्क्यू करण्याआधी खाली गाद्या आणि फ्लोटर्स टाकण्यात आले होते.
दरम्यान, या पोलीस कर्मचाऱ्याने आत्महत्या करण्याची धमकी का दिली आणि त्याची ओळख काय होती, याची माहिती अद्याप मिळू शकली नाही. पोलिसांनी या व्यक्तीला चौकशीसाठी ताब्यात घेतले आहे.
विदेशातून मुंबईत येणाऱ्या प्रवाशांना आता क्वारंटाइनमध्ये सुट, पण एका अटीवरच!
आम्हाला सत्य समजायलाच हवं; सुशांतच्या बहिणीनंतर एक्स गर्लफ्रेंडनेही मागितला न्या
पीपीई सूट घालून एअरपोर्टवरच नाचू लागली चहलची होणारी बायको; धनश्रीचा VIDEO VIRAL
स्वातंत्र्याच्या आधीचे 2 दिवस भारताच्या इतिहासातील टर्निंग पॉइंट; काय घडलं पाहा
भारतीयांना आत्मनिर्भर नाऱ्याचा विसर; काही सेकंदात चिनी स्मार्टफोनची मोठी विक्री
आणखी कमी होणार सोन्याचे भाव! शुक्रवारपासून 3395 रुपयांनी उतरले सोने
भारतीय रेल्वेची मेहनत यशस्वी! लवकरच वीज व डिझेलविना ट्रेन धावणार, हा खास VIDEO
