Mumbai: राजावाडी रुग्णालयात उंदराने डोळे कुरतडलेल्या त्या रुग्णाचा अखेर मृत्यू

मुंबई, 23 जून: मुंबईतील प्रसिद्ध असलेल्या राजावाडी रुग्णालयात (Rajawadi Hospital) दाखल असलेल्या रुग्णाचे डोळे उंदराने कुरतडल्याचा (Rat bites eyes of patient) धक्कादायक प्रकार मंगळवारी (23 जून 2021) उघडकीस आला. या रुग्णाचा आता उपचारादरम्यान मृत्यू झाला आहे. राजावाडी रुग्णालयात अतिदक्षता विभागात श्रीनिवास यल्लपा (Shrinivas Yallapa) यांच्यावर उपचार सुरू होते. मात्र, आज त्यांचा मृत्यू झाला आहे. मुंबई महानगरपालिकेच्या (BMC) राजावाडी रुग्णालयातील अतिदक्षता विभागात तीन दिवसांपूर्वी श्रीनिवास यल् लपा नावाच्या रुग्णाला दाखल करण्यात आले होते. रुग्णालयात अतिदक्षता विभागात बेशुद्ध अवस्थेत असलेल्या श्रीनिवास यांचे डोळे चक्क उंदराने कुरतडल्याचं समोर आलं आणि एकच खळबळ उडाली होती. मृत्यूचे नेमकं कारण काय?  दरम्यान या रुग्णाच्या मृत्यूचे नेमकं कारण काय आहे हे अद्याप समोर आलेले नाहीये. पोस्टमार्टम रिपोर्टनंतर या रुग्णाचा मृत्यू नेमका कशामुळे झाला याचे कारण स्पष्ट होईल. डॉक्टरांनी काय म्हटलं होतं? या संपूर्ण प्रकरणावर राजावाडी रुग्णालयातील डॉक्टरांना विचारले असता त्यांनी म्हटलं, “उंदराने डोळ्याचा खालचा भाग कुरतडला असावा अशी शक्यता आहे.” डॉक्टरांनीही शक्यता नाकारली नसल्याने पालिकेच्या रुग्णालयात नेमकं चाललंय तरी काय असा प्रश्न आता उपस्थित होत आहे. जर आयसीयू वॉर्डमध्ये असा प्रकार होत असेल तर इतर ठिकाणी काय परिस्थिती असेल असाही प्रश्न उपस्थित होत आहे. महापौरांनी दिले होते चौकशीचे आदेश डोळ्याच्या पापण्यांचा आणि आसपासचा भाग कुरतडला गेला आहे. अतिशय खेदजनक गोष्ट आहे. या सर्व गोष्टीची खातरजमा करत होतो तेव्हा लक्षात आलं की, हा वॉर्ड सर्व बाजूंनी बंद आहे. कुठुनही उंदीर जाणार आहे याची खबरदारी घेतलेली आहे. पण तळाला असल्याने आणि पावसाळ्यात जेव्हा दरवाजा उघडला जातो तेव्हा कदाचित हा उंदीर आयसीयूत गेला असावा. रुग्ण हा व्हेंटिलेटवर असल्याने निश्चितच त्याला याबाबत काही जाणवलं नसेल. ही गोष्टी नर्सच्या लक्षात आल्याने लगेचच डॉक्टरांनी डोळ्यांची तपासणी केली. महापौरांनी पुढे म्हटलं, आयसीयू वॉर्ड असल्याने तळ मजल्यावरच असायला हवा कारण रुग्णाला नेण्यासाठी बरं पडतं. इतकी खबरदारी घेतली असतानाही उंदीर आतमध्ये जातात. ही संपूर्ण घटना गंभीर आहे. या प्रकरणी चौकशीचे आदेश दिले आहेत.

• Follow us on