)
विनय दुबे, प्रतिनिधी मुंबई, 26 जून : गेल्या काही वर्षात मेनहोलमध्ये गुदमरुन अनेकांचे मृत्यू झाले आहेत. मात्र, त्यानंतरही सुरक्षेच्या कोणत्याही उपाययोजना केलेल्या पाहायला मिळत नाही. मुंबईतील कांदिवलीत मात्र वेगळ्याच घटनेने कंत्राटी कामगाराचा मृत्यू झाला आहे. मृत कामगार मेनहोलमध्ये काम करत असताना एक कार थेट त्यांच्या अंगावर चढली. ही घटना परिसरातील सीसीटीव्ही कॅमेऱ्यात कैद झाली आहे.
Mumbai : मेनहोलमध्ये सफाई करताना अंगावर चढली कार#mumbai #accident pic.twitter.com/xXKkuNZa0o
— News18Lokmat (@News18lokmat) June 26, 2023
कशी घडली घटना? कांदिवलीतील धनुकरवाडी येथील गटार साफ करत असताना 37 वर्षीय कंत्राटी कामगार जगवीर शामवीर यादव मेनहोलमध्ये उतरले होते. यादव हे नाल्यात असताना अचानक एका हुंडई 20 गाडीने मॅनहोलला धडक दिली. या अपघातात जगवीर यादव आत अडकले. यात ते गंभीर जखमी झाल्याने त्यांचा मृत्यू झाला. ही घटना 11 जून रोजी घडली. घटनेनंतर आयपीसीच्या कलम 279, 336 आणि 338 अंतर्गत नियमांच्या कलम 196 च्या संयोगाने प्राथमिक आरोपांनुसार कलम 304 अंतर्गत गुन्हा दाखल करण्यात आला आहे. वाचा - रेल्वे स्थानकावर विजेच्या धक्क्याने शिक्षिकेचा मृत्यू, BSES कडून खबरदारी घेण्याचं आवाहन आरोपींना अटक सीसीटीव्ही फुटेजच्या आधारे पोलिसांनी कार मालक आणि कामावर असलेल्या यादवला अटक केली. शुक्ला म्हणाले, मी चालकाच्या सीटवर बसलो होतो. अचानक कुत्रा आडवा आल्याने लक्ष विचलित झाल्याने गाडी चुकून मॅनहोलवर चढली. अपघातानंतर यादव यांना तात्काळ रुग्णालयात नेण्यात आले. मात्र, उपचार सुरू असताना त्यांचा मृत्यू झाला. या दुखापतीमुळे 21 जून रोजी त्यांचा मृत्यू झाला. कांदिवली पोलिसांनी शुक्ला आणि 65 वर्षीय चालक विनोद उधवानी यांच्यावर कायदेशीर कारवाई केली आहे. कांदिवली पोलिसांनी दिलेल्या माहितीनुसार, यादव यांना शुभ शांती येथे त्यांची सहकारी देवी सिंह लोधी, 62 वर्षीय कंत्राटदार अर्जुन प्रसाद शुक्ला यांच्यासह अटक करण्यात आली.
+6
फोटो
