मुंबई, 16 मार्च: मुंबईतून आगीची (Mumbai Fire) आणखी एक भीषण घटना समोर येते आहे. मुंबईतील अंधेरी परिसरात ही घटना घडली. याठिकाणी एका इनोव्हा गाडीला (Innova Car catches Fire) आग लागली आहे. दरम्यान कारमध्ये असणाऱ्या व्यक्तींना आग लागल्यानंतर बाहेर पडण्यास यश मिळालं आहे. यानंतर बराच वेळ गाडी रस्त्यावर पेटत राहिली. उपस्थितांनी कारला आग लागल्याचे अग्निशमन दलाला (Fire Brigade) कळवले, पण अग्निशमन दलाची गाडी घटनस्थळी पोहोचेपर्यंत गाडी पूर्णपणे जळून खाक झाली होती. गाडीमध्ये आग कशामुळे लागली याचे कारण मात्र अस्पष्ट आहे.
या गाडीचा आणखी एक व्हिडीओ समोर आला आहे. ज्यामध्ये आगीची भीषणता सर्वांना समजू शकेल. गाडीचा पुढचा भाग पूर्णपणे आगीच्या भक्ष्यस्थानी सापडला आहे.
अग्निशमन दलाच्या जवानांना आग विझवण्यात यश आलं असलं तरी गाडी जळून खाक झाली आहे. यामध्ये कोणतीही जीवितहानी झाली नाही आहे. दरम्यान ही आग कशामुळे लागली असावी याचा शोध घेतला जात आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Fire, Fire station, Mumbai, Mumbai fire station, Shocking news