मुंबई
DOWNLOAD APP
NCB ची पुन्हा धडक कारवाई, विलेपार्लेत पकडले कोट्यवधींचे हेरॉईन
एनसीबीनं ही धडक कारवाई विलेपार्ले (Vile Parle area) परिसरात केली आहे. या कारवाईत कोट्यवधींचे हेरॉईन (heroin)जप्त करण्यात आलेत.
- News18 Lokmat
- Last Updated :
मुंबई, 03 नोव्हेंबर: मंगळवारी मुंबईत नार्कोटिक्स कंट्रोल ब्युरोनं (NCB action ) धडक कारवाई केली आहे. एनसीबीनं ही धडक कारवाई विलेपार्ले (Vile Parle area) परिसरात केली आहे. या कारवाईत कोट्यवधींचे हेरॉईन (heroin)जप्त करण्यात आलेत. अभिनेता सुशांत सिंह राजपूत आत्महत्याप्रकरणानंतर एनसीबीनं अंमली पदार्थ तस्करांविरोधात आपली मोठी मोहिम सुरु केली आहे.
मुंबईतील क्रूझ ड्रग्ज कारवाईनंतर चर्चेत आलेल्या एनसीबीनं विलेपार्लेमध्ये पुन्हा एकदा मोठी कारवाई केली आहे. एनसीबीनं या कारवाईची माहिती दिली आहे. या कारवाईत कोट्यवधींचे हेरॉईन जप्त केलेत. तसंच या प्रकरणातल्या संशयितांचा एनसीबी पथक शोध घेत आहेत, अशी माहिती एनसीबीनं दिली.
नवी मुंबईतही कारवाई
ऑक्टोबर महिन्यात नवी मुंबईतील न्हावा शेवा बंदरातही एनसीबीनं मोठी कारवाई केली होती. या कारवाईत DRE च्या झोनल युनिटने 25 किलो हेरॉईन जप्त केलं होतं. हेरॉईनचा हा साठा एका कंटेनरमध्ये लपवून ठेवण्यात आला होता. आंतरराष्ट्रीय बाजारात त्याची किंमत 125 कोटी रुपये होती. या कारवाईनंतर एनसीबीनं नवी मुंबईतील एका व्यावसायिकाला देखील अटक केली होती.
NIA कडे सोपवला जाणार मुंबई ड्रग्ज प्रकरणाचा तपास?
मुंबई ड्रग्ज प्रकरणाचा (Mumbai Drugs Bust Case) तपास राष्ट्रीय तपास संस्थेकडे (NIA) सोपवला जाण्याची शक्यता आहे. सीएनएन न्यूज 18 ने सूत्रांच्या हवाल्याने हे वृत्त दिलं आहे. अहवालानुसार या प्रकरणाची लिंक आंतरराष्ट्रीय रॅकेटशी (International racket) संबंधित असू शकते. या हायप्रोफाईल प्रकरणात मोठा कट आणि देशाला असलेला संभाव्य धोका लक्षात घेऊन तपास एनआयएकडे सोपवला जाण्याची शक्यता आहे. यापूर्वीही मुंबई ड्रग्ज प्रकरणाच्या तपासात अनियमिततेचे अनेक आरोप झाले आहेत.
हेही वाचा- अशोक चव्हाणांना पुन्हा मुख्यमंत्री करणार, काँग्रेस नेत्याचे मोठे विधान
सूत्रांनी सांगितलं की, एनआयएचे पथक मुंबई एनसीबीच्या झोन कार्यालयात आले होते आणि त्यांनी येथे सुमारे दोन तास घालवले. ड्रग्ज प्रकरणी एनसीबीचे झोनल डायरेक्टर समीर वानखेडे (Sameer Wankhede) यांच्या नेतृत्वाखाली छापे टाकण्यात आले. मात्र या प्रकरणाच्या तपासात वानखेडे यांच्यावरच अनेक आरोप होत आहेत. या खटल्यातील साक्षीदार प्रभाकर साईलने वानखेडे यांनी खटला मिटवण्यासाठी 25 कोटी रुपये दिल्याचा आरोप केला आहे. त्यानंतर तो स्वतः अंडरग्राऊंड झाला आहे. समीर वानखेडे यांच्यावर मुंबई क्रूझ ड्रग्स प्रकरणात वसुली केल्याचे आरोप लावण्यात आले आहेत. यावरुन सध्या चर्चांना उधाण आलं असून आरोप-प्रत्यारोपांच्या अनेक फैरीही रंगल्या आहेत.
हेही वाचा- सारखा चश्मा घालून नाकाजवळ पडलेत काळे डाग? `हे` उपाय ठरतील फायदेशीर
या प्रकरणाचा तपास एनआयएकडे सोपवण्याची अधिसूचनाही लवकरच जारी केली जाऊ शकते, असे सूत्राने सांगितले. या प्रकरणाचा तपास एनआयएकडे सोपवण्यास एनसीबी आक्षेप घेऊ शकते. सूत्रांनी दिलेल्या माहितीनुसार, एनसीबीला असं वाटतं की एनआयएच्या हस्तक्षेपामुळे भविष्यातील इतर तपासांमध्ये त्यांचे अधिकार आणि विश्वासार्हता कमी होईल. एका अधिकाऱ्याने सांगितलं की, “त्यांना आतापर्यंतच्या तपासात कोणताही दहशतवादी अँगल सापडलेला नाही."