सिडकोच्या लाभार्थ्यांसाठी आनंदाची बातमी, अल्प आणि अत्यल्प उत्पन्न गटात बांधलेल्या घरांसाठी 5 वर्षे कोणताही मेंटेनन्स नाही

नवी मुंबई, 02 जुलै: नवी मुंबई (Navi Mumbai), पनवेल (Panvel) मध्ये लवकरच सिडको (Cidco) कडून 89 हजार घरांची बंपर लॉटरी निघणार आहे. गुरुवारी नगरविकास मंत्री एकनाथ शिंदे (Eknath Shinde) यांच्या हस्ते 100 घर लाभार्थ्यांना चावी वाटप करण्यात आलं. एकनाथ शिंदे यांनी याचे फोटो ट्विटर शेअर केले आहेत. दरम्यान यावेळी एकनाथ शिंदे यांनी या लाभार्थ्यांसाठी एक मोठी घोषणा केली आहे. या घोषणेमुळे सिडकोच्या लाभार्थ्यांना नक्कीच दिलासा मिळाला आहे. सिडकोच्या लाभार्थ्यांसाठी ही एक आनंदाचीच बातमी आहे. अल्प आणि अत्यल्प उत्पन्न गटात बांधलेल्या या घरांचा दर्जा चांगला आहे. सर्व सोयी सुविधांनी सुसज्ज असून या घरासाठी 5 वर्षे कोणताही मेंटेनन्स लागणार नसल्याचं एकनाथ शिंदेंनी सांगितलं.

अल्प व अत्यल्प उत्पन्न गटात बांधलेल्या या घरांचा दर्जा चांगला असून सर्व सोयी सुविधांनी सुसज्ज असून या घरासाठी ५वर्षे कोणताही मेंटेनन्स लागणार नाही. pic.twitter.com/FYmNqmMrYn

— Eknath Shinde - एकनाथ शिंदे (@mieknathshinde) July 1, 2021

गुरुवारी नवी मुंबई येथील कळंबोली भागात सिडकोच्या माध्यमातून तयार करण्यात आलेल्या 15 हजार घरांपैकी पहिल्या टप्प्यात तयार झालेल्या घरांचं वाटप लाभार्थ्यांना करण्यात आलं. याप्रसंगी सिडकोचे व्यवस्थापकीय संचालक डॉ.संजय मुखर्जी, खासदार राजन विचारे उपस्थित होते. हेही वाचा- पाकिस्तानला सतावतीये दोन वेळच्या अन्नाची चिंता; इम्रान खान यांनी व्यक्त केली भीती दोन वर्षांपूर्वी सिडकोकडून 15 हजार घरांची लॉटरी काढण्यात आली होती. मात्र प्रकल्प रखडल्यानं लाभार्थ्यांना आर्थिक भुर्दंड सोसावा लागत होता. मात्र राज्य सरकारनं मध्यस्थी घेऊन कोरोना काळात लोकांना घरांचा ताबा देण्याचे आदेश सिडकोला दिले. त्यानंतर गुरुवारपासून घराचं वाटप सुरु झालं आहे.

नवी मुंबई येथील #कळंबोली भागात @CIDCO_Ltd च्या माध्यमातून तयार करण्यात आलेल्या १५००० घरांपैकी पहिल्या टप्प्यात तयार झालेल्या घरांचं वाटप आज लाभार्थ्यांना करण्यात आलं. याप्रसंगी सिडकोचे व्यवस्थापकीय संचालक डॉ.संजय मुखर्जी, खासदार @rajanvichare उपस्थित होते.#CIDCO #Kalamboli pic.twitter.com/2VTVXSBT9D

— Eknath Shinde - एकनाथ शिंदे (@mieknathshinde) July 1, 2021

सिडकोद्वारे नवी मुंबई, पनवेल, उरण भागात घरांची निर्मिती होणार असल्याच सिडकोचे एमडी संजय मुखर्जी यांनी सांगितलं. येत्या काळात सिडकोकडून 89 हजार घरांची बंपर लॉटरी काढणार असल्याचे यावेळी सिडको एमडी संजय मुखर्जी यांनी जाहिर केलं. त्यामुळे 1 लाख 4 हजार घरांची निर्मिती सिडको येत्या काळात करणार आहे.