Fixed Deposit: स्मॉल फायनान्स बँकांमध्ये FD वर 6.50 टक्क्यांपर्यंत व्याज, पाहा लिस्ट

मुंबई, 3 डिसेंबर : कोरोना व्हायरसच्या ओमिक्रॉन वेरिएंटने धोक्याची घंटा वाजवली आहे. अशा परिस्थितीत आपत्कालीन निधी (Emergency Fund) निर्माण करणे आवश्यक बनते. तुम्ही तुमची बचत आपत्कालीन निधीमध्ये तयार केली पाहिजे. तुमच्या बचतीचा काही भाग लिक्विड अॅसेटमध्ये गुंतवा, ज्यामुळे जास्त परतावाही मिळेल. कुठेही गुंतवणूक करण्यापूर्वी, बँकांच्या एफडीमध्ये गुंतवणूक करण्यापूर्वी सखोल मूल्यमापन करा आणि तुम्हाला मिळणारे व्याज आणि बँक देखील तपासा.

BankBazaar डेटानुसार, लहान वित्त बँका (small finance banks) एक वर्षाच्या FD वर 6.50 टक्क्यांपर्यंत व्याजदर देत आहेत. सूर्योदय स्मॉल फायनान्स बँक (suryoday small finance bank) एका वर्षाच्या एफडीवर 6.50 टक्के व्याज देते. स्मॉल फायनान्स बँकांमध्ये हा सर्वाधिक व्याजदर देत आहे.

पेनी स्टॉकचा धमाका! 2 रुपयांचा स्टॉक 74 रुपयांवर, सहा महिन्यात 1 लाख बनले 34 लाख

शेतकऱ्यांसाठी खुशखबर! सहज उपलब्ध होणार कर्ज, SBI ची Adani Capital शी हातमिळवणी

इक्विटास स्मॉल फायनान्स बँक (Equitas small finance bank) एका वर्षाच्या एफडीवर 5.85 टक्के व्याज देते. 1 लाख रुपयांची रक्कम एका वर्षात 1.06 लाख रुपयांपर्यंत वाढते.

AU Small Finance Bank एका वर्षाच्या FD वर 4.85 टक्के व्याज देते. 1 लाख रुपयांची रक्कम एका वर्षात 1.05 लाख रुपयांपर्यंत वाढते. किमान आवश्यक गुंतवणूक 1000 रुपये असेल.