कोट्यवधी ग्राहकांसाठी SBI Alert! उद्या 3 तास बंद राहणार बँकेच्या या सेवा, वाचा काय आहे वेळ

नवी दिल्ली, 05 ऑगस्ट: देशातील सर्वात मोठी बँक असणाऱ्या स्टेट बँक ऑफ इंडियाने (State Bank of India) खातेधारकांना एक महत्त्वाची सूचना (SBI Important Notice) दिली आहे. बँकेने ट्वीट करत ग्राहकांसाठी अलर्ट जारी केली आहे. बँकेच्या काही सेवा उद्या आणि परवा (6th August and 7th August 2021) ठराविक कालावधीसाठी बंद असणार आहेत. त्यामुळे ग्राहकांना नियोजन आखून त्यांची काही आवश्यक कामं पूर्ण करता यावीत याकरता बँकेने अलर्ट पाठवला आहे. एसबीआयने ट्विटरवर अशी माहिती दिली आहे की, सिस्टिम मेंटेनन्ससाठी 6 आणि 7 ऑगस्ट 2021 रोजी बँकेच्या काही सेवा बंद असणार आहेत. या सेवांमध्ये इंटरनेट बँकिंग, Yono, Yono Lite आणि यूपीआय सेवांचा समावेश आहे. एसबीआयने ट्वीटच्या माध्यमातून असं म्हटलं आहे की, 6 आणि 7 ऑगस्ट रोजी रात्री 10 वाजून 45 मिनिटांपासून ते रात्री 1 वाजून 15 मिनिटांपर्यंत या सेवा उपलब्ध असणार नाहीत. जवळपास 150 मिनिटांसाठी या सेवा बंद असतील. एसबीआयने यामुळे ग्राहकांच्या होणाऱ्या गैरसोयीबद्दल दिलगिरी व्यक्त केली आहे.

We request our esteemed customers to bear with us as we strive to provide a better Banking experience.#InternetBanking #YONOSBI #YONO #ImportantNotice pic.twitter.com/yO7UDdXuEG

— State Bank of India (@TheOfficialSBI) August 4, 2021

एसबीआयने अशी माहिती दिली आहे की या कालावधी दरम्यान बँकेकडून यूपीआय प्लॅटफॉर्मच्या अपग्रेडेशनचे काम केले जाणार आहे. जेणेकरुन ग्राहकांना उत्तम बँकिंगचा अनुभव घेता येईल. या दरम्यान ग्राहकांचे यूपीआय ट्रान्झॅक्शन बंद असणार आहेत. ग्राहकांना उत्तमोत्तम सेवा देण्यासाठी एसबीआयकडून ठराविक कालावधीनंतर मेंटेनन्स आणि अपग्रेडेशन केलं जातं.